Қар, көктайғақ: Алматы полициясы жүргізушілерге үндеу жасады

© Sputnik / Ертай СарбасовАлматы полициясы түнгі рейдке шықты
Алматы полициясы түнгі рейдке шықты - Sputnik Қазақстан, 1920, 13.11.2026
Жазылу
Жүргізушілерге жаяу жүргіншілер өткелдерінде барынша мұқият болу қажеттігі ескертілді
АСТАНА, 13 қараша – Sputnik. Алматы полициясы күннің суытуына және алдағы қолайсыз ауа райына байланысты жүргізушілерді көліктерін қысқы маусымға алдын ала дайындауға шақырды.
Полиция автокөлік иелеріне жазғы шиналарды қысқы дөңгелектерге уақытылы ауыстыруды, тежеу жүйесін, аккумуляторды, жарық беру құрылғыларын және көліктің жалпы техникалық жағдайын тексеруді ұсынады.
"Қысқы жол салғырттықты кешірмейді. Көктайғақ болып, қар жауғанда және көріну қашықтығы төмендегенде аса сақ болып, жылдамдық режимін сақтап, көлік арасындағы қауіпсіз қашықтықты ұстану қажет. Жүргізушілерді көлікті қысқы маусымға дайындауды соңғы сәтке қалдырмауға, шиналарды уақытылы ауыстырып, көліктің негізгі жүйелерінің жарамдылығына көз жеткізуге шақырамыз", – деді Алматы қаласы полиция департаменті Әкімшілік полиция басқармасының бастығы Әбдінұр Тасыбаев.
Сонымен қатар полиция қызметкерлері қысқы жол жағдайында жылдамдықты жол жабынына қарай таңдауға, күрт маневрлер мен шұғыл тежелуден аулақ болуға кеңес берді.
Полицей формасы - Sputnik Қазақстан, 1920, 20.09.2026
Баланың қолында кенеттен қымбат заттар пайда болады: ІІМ ата-аналарға үндеу жолдады
Жаңалықтар
0