Алматыдағы жатақхана тапшылығы алдағы екі жылда шешіледі

© Photo : министерство науки и высшего образования Республики КазахстанКомната в студенческом общежитии
Комната в студенческом общежитии - Sputnik Қазақстан, 1920, 12.11.2026
Жазылу
Қалада 4 280 орындық жатақхана кешенінің құрылысы басталды
АСТАНА, 12 қараша – Sputnik. Қазақстанда соңғы алты жылда 281 студенттік жатақхана пайдалануға беріліп, 72 мыңнан астам төсек-орын ашылды. Бұл туралы ОКҚ алаңында ғылым және жоғары білім министрі Саясат Нұрбек мәлімдеді.
Оның айтуынша, қазіргі уақытта жатақхана тапшылығы негізінен Алматы қаласында сақталып отыр. Мұнда 5 мыңнан астам орын жетіспейді. Бұл мәселені алдағы 1-2 жылда шешу жоспарланған.
"Астанада ЕҰУ базасында 2 656 орындық жатақхана пайдалануға берілді. Алматыда 4 280 орындық жатақхана кешенінің құрылысы басталды. Оның алғашқы 340 орындық блогы іске қосылды. Жоба толық аяқталған кезде Алматыдағы жатақхана тапшылығының шамамен 80%-ын жабуға мүмкіндік береді", – деді министр баспасөз конференциясында.
Сондай-ақ Петропавлдағы Қозыбаев университетінде 1 200 орындық, Narxoz университетінде 450 орындық жатақханалар пайдалануға берілді. Бұдан бөлек, бірқатар жоғары оқу орнында жаңа студенттік жатақханалар ашылды.
Алматыдағы студенттер жатақханасы - Sputnik Қазақстан, 1920, 01.04.2025
Студенттерге жатақхана автоматты түрде беріледі - министр
Жаңалықтар
0