https://sputnik.kz/20261102/toqaev-qarmet-metallurgiya-kombinatynyn-zhumysymen-tanysty-68160278.html
Тоқаев Qarmet металлургия комбинатының жұмысымен танысты
Тоқаев Qarmet металлургия комбинатының жұмысымен танысты
Sputnik Қазақстан
Qarmet компаниясы өндірісті жаңғыртуға 2,7 млрд доллардан астам инвестиция салды 02.11.2026, Sputnik Қазақстан
2026-11-02T16:23+0500
2026-11-02T16:23+0500
2026-11-02T16:23+0500
экономика
қасым-жомарт тоқаев
qarmet
https://sputnik.kz/img/07ea/0b/02/68159948_0:39:750:461_1920x0_80_0_0_8c2db1b8f8105ddba4218176fdf9340b.jpg
АСТАНА, 2 қараша – Sputnik. Мемлекет басшысы Қасым-Жомарт Qarmet болат балқыту өндірісінің негізгі буыны саналатын конвертер цехының жұмысымен танысты, деп хабарлады Ақорда.Президентке домна пешінде балқытылған шойынның қалай құрышқа айналатыны, содан кейін үздіксіз құю қондырғысына және одан әрі илемдеуге жіберілетіні көрсетілді.Жаңғырту жұмыстары шығарылатын өнім түрлерін көбейтіп, қорытылған болат көлемін ұлғайтуға, құрал-жабдықтардың сенімділігін арттыруға мүмкіндік береді. Сонымен қатар цехтағы бірқатар технологиялық үдерісті табиғи газға көшіру ісі жалғасып жатыр.Qarmet директорлар кеңесінің төрағасы Андрей Лаврентьев мемлекет басшысына өндірістік көрсеткіштер өсімі және инвестициялық бағдарламаларды жүзеге асыру барысы туралы есеп берді.Компания жұмысы басталғаннан бері инвестиция көлемі 2,7 миллиардтан аса долларды құрады. Бұл қаражат өндіріс қуатын жаңғыртуға және жаңа өнеркәсіптік нысан салуға бағытталды.Qarmet – еліміздегі толық өндірістік циклге ие ең ірі тау-кен-металлургиялық компаниясы. Орталық Азиядағы өзінің көмір, темір рудасы кеніштері және энергетикалық базасы бар, интеграцияланған тау-кен-металлургиялық кешен. Компанияда шамамен 35 мың еңбеккер, соның ішінде 14 мыңнан астам адам Теміртаудағы металлургия комбинатында жұмыс істейді.
https://sputnik.kz/20261102/prezident-temirtauda-zhana-tramvayga-minip-kordi-68144960.html
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қасым-жомарт тоқаев, qarmet
қасым-жомарт тоқаев, qarmet
Тоқаев Qarmet металлургия комбинатының жұмысымен танысты
Qarmet компаниясы өндірісті жаңғыртуға 2,7 млрд доллардан астам инвестиция салды
АСТАНА, 2 қараша – Sputnik. Мемлекет басшысы Қасым-Жомарт Qarmet болат балқыту өндірісінің негізгі буыны саналатын конвертер цехының жұмысымен танысты, деп хабарлады Ақорда.
Президентке домна пешінде балқытылған шойынның қалай құрышқа айналатыны, содан кейін үздіксіз құю қондырғысына және одан әрі илемдеуге жіберілетіні көрсетілді.
"Qarmet компаниясы 2024 жылы №1 және №2 конвертерлерде күрделі жөндеу жүргізіп, корпустарды толық ауыстырды және анағұрлым заманауи конструкциялар орнатты", - деп жазылған хабарламада.
Жаңғырту жұмыстары шығарылатын өнім түрлерін көбейтіп, қорытылған болат көлемін ұлғайтуға, құрал-жабдықтардың сенімділігін арттыруға мүмкіндік береді. Сонымен қатар цехтағы бірқатар технологиялық үдерісті табиғи газға көшіру ісі жалғасып жатыр.
Qarmet директорлар кеңесінің төрағасы Андрей Лаврентьев мемлекет басшысына өндірістік көрсеткіштер өсімі және инвестициялық бағдарламаларды жүзеге асыру барысы туралы есеп берді.
"2026 жылдың қорытындысы бойынша 4 миллион тонна болат, 3,6 миллион тонна көмір және 3,9 миллион тонна темір рудасы концентратын өндіру жоспарланып отыр", - деп атап өтті Ақорда.
Компания жұмысы басталғаннан бері инвестиция көлемі 2,7 миллиардтан аса долларды құрады. Бұл қаражат өндіріс қуатын жаңғыртуға және жаңа өнеркәсіптік нысан салуға бағытталды.
Qarmet – еліміздегі толық өндірістік циклге ие ең ірі тау-кен-металлургиялық компаниясы. Орталық Азиядағы өзінің көмір, темір рудасы кеніштері және энергетикалық базасы бар, интеграцияланған тау-кен-металлургиялық кешен. Компанияда шамамен 35 мың еңбеккер, соның ішінде 14 мыңнан астам адам Теміртаудағы металлургия комбинатында жұмыс істейді.
