https://sputnik.kz/20261029/bugin-alemde-zhane-qazaqstanda-qanday-mereke-bolady-29-qazan-68042733.html

Бүгін әлемде және Қазақстанда қандай мереке болады: 29 қазан

Бүгін әлемде және Қазақстанда қандай мереке болады: 29 қазан

Sputnik Қазақстан

29 қазанда не болғанын білесіз бе? 29.10.2026, Sputnik Қазақстан

2026-10-29T00:01+0500

2026-10-29T00:01+0500

2026-10-29T00:01+0500

бүгін қандай мереке: әр күнге арналған күнтізбе

қызықты деректер

https://sputnik.kz/img/1179/93/11799350_58:0:2943:1623_1920x0_80_0_0_3f8e9221840de9d20c5ea3376c9e3053.jpg

Бұл күннің несімен есте қалғанын Sputnik Қазақстан дерекқорынан оқыңыз.29 қазанда қандай қызықты оқиғалар болдыБүгін халықаралық мереке – инсультпен күрес күні атап өтіледі. Дүниежүзілік денсаулық сақтау ұйымы 2004 жылы инсультті мүгедектік пен адам өлімінің басты себептерінің бірі және жаһандық эпидемиянің ретінде анықтады. Қазіргі уақытта адам өлімінің жартысынан астамы түрлі қан тамырлары ауруынан болады және осы аурулардың 20%-дан астамына адам еңбекке қабілетті жасында шалдығады. Бұл дертпен ауырған адамдардың 30%-ға жуығы көмекке зәру. Ежелден дұрыс тамақтану инсульттің басты алдын алу жолы болып саналады. Бүгінде бұл мәселені шешуде ақпараттық-профилактикалық іс-шаралардың да маңызы арта түсті.Сонымен қатар, бүгін кей адамдар комсомол күнін еске алып, атап өтеді. Бұл күні 1918 жылы бірінші бүкілресейлік жұмысшы және шаруа жастарының съезінде Ресей коммунистік жастар одағы құрылды. 1926 жылы ол бүкілодақтық ұйымға айналды.29 қазанда әлемде болған тарихи оқиғалар1618 жылы ағылшын саяхатшысы әрі жазушысы Уолтер Рэли өлім жазасына кесілді;1863 жылы Швейцарияда Халықаралық қызыл крест ұйымының негізі қаланды;1923 жылы Түркия Республикасы ресми түрде жарияланды;1947 жылы тұңғыш рет жасанды жаңбыр жаудыру үшін құрғақ мұз пайдаланылды;1956 жылы Израиль әскері Мысырдың Синай түбегіне басып кірді. Бұл Суэц дағдарысының басталуына түрткі болды;1969 жылы ARPANET желісі арқылы екі компьютер арасында алғашқы хабарлама жіберілді. Интернеттің ізашары саналатын желі арқылы "LOGIN" сөзі жіберілмек болғанымен, жүйедегі ақауға байланысты тек "LO" деген екі әріп қана жетті;1971 жылы медицинада физиотерапия пайдаланыла бастады (әлсіз электр тоғы арқылы сынған сүйекті емдеу);1998 жылы америкалық астронавт Джон Гленн 77 жасында ғарышқа қайта ұшты. Ол сол кезде ғарышқа ұшқан ең егде адамдардың бірі атанды.29 қазанда Қазақстанда болған тарихи оқиғалар1919 жылы 5-ші Қызыл Армияның бөлімі "Петропавл операциясын" жүргізді, нәтижесінде Петропавл қаласы Колчак әскерінен азат етілді;1949 жылы Өскемен қаласында Үлбі металлургия зауыты құрылды;1999 жылы Алматыда орыстың ұлы ақыны Александру Пушкинге ескерткіш қойылды;2015 жылы Ақтөбеде құлағы нашар еститін адамдар үшін Қазақстандағы алғашқы видеодиспетчерлік қызмет іске қосылды;2023 жылы Қарағанды облысындағы Костенко шахтасында болған апаттан қаза тапқан кеншілерді еске алу үшін 29 қазан Қазақстанда Жалпыұлттық аза тұту күні болып жарияланды. Апат 28 қазанда болған еді.29 қазанда әлемде туған танымал тұлғалар1947 жылы америкалық актер Ричард Дрейфус дүниеге келді;1948 жылы америкалық актриса Кейт Джексон дүниеге келді. Ол "Чарлидің періштелері" телехикаясындағы рөлі арқылы танымал болды.1961 жылы кеңес және ресейлік режиссер, актер, продюсер, КСРО Мемлекеттік сыйлығының лауреаты Денис Евстигнеев дүниеге келді;1967 жылы ағылшын актері Руфус Сьюэлл дүниеге келді. Ол кино және телехикаялардағы рөлдерімен танымал.1964 жылы кеңестік театр және кино актері Владимир Виноградов дүниеге келді (Фильмдері: "Гардемарины вперед", "Господа офицеры: Спасти императора"). 29 қазанда Қазақстанда кім туды1896 жылы Қазақстанның халық жазушысы, Қазақстанның мемлекеттік сыйлығының екі дүркін лауреаты Максим Зверев дүниеге келді;1916 жылы Шоқыр Бөлтекұлы дүниеге келді. Ол — қазақтың тұңғыш спорт шеберлерінің бірі, Қазақстандағы бокс спортының негізін қалаушылардың бірі, Қазақстанның үш дүркін чемпионы;1923 жылы ақын, Қазақстанның халық жазушысы, Қазақстанның еңбек сіңірген мәдениет қызметкері Мұзафар Әлімбаев дүниеге келді;1925 жылы педагог, КСРО-ның халық мұғалімі, КСРО-ның халық ағарту ісінің үздігі Құмаш Нұрғалиев дүниеге келді;1954 жылы генерал-лейтенант, Кеңес Одағының Батыры, Ауған соғысына қатысушы Руслан Аушев дүниеге келді; 1954 жылы Жигули Дайрабаев дүниеге келді. Ол — агроном, фермерлер қозғалысының өкілі, Қазақстан фермерлері қауымдастығының бұрынғы басшысы және Мәжілістің VIII шақырылымының депутаты;1983 жылы Алматы облысының әкімі Шыңғыс Әрінов дүниеге келді.

2026

Жаңалықтар

kk_KK

бүгін қандай мереке: әр күнге арналған күнтізбе, қызықты деректер