Тоқаев құтқарушыларға мемлекеттік марапаттар тапсырды
© Photo : Пресс-служба президента Казахстана
Жазылу
Кейінгі бес жылда құтқарушылар 240 мыңға жуық азаматқа көмек көрсетті
АСТАНА, 19 қазан – Sputnik. Президент Қасым-Жомарт Тоқаев құтқарушыларға мемлекеттік марапаттар тапсырды, деп хабарлады Ақорда.
Қасым-Жомарт Тоқаев құтқарушыларға мемлекеттік марапаттар тапсырды
© Photo : Пресс-служба президента Казахстана
Мемлекет басшысы салтанатты жиынға қатысушыларды Құтқарушы күнімен құттықтап, төтенше жағдай саласының қызметшілеріне ризашылығын білдірді.
"Халқымыз сіздерді, яғни еліміздің барша құтқарушы мамандарын бейбіт күннің батырлары деп атайды. Бұл – шын мәнінде әділетті баға. Әрине, құтқарушы болу көптің алғысына бөлейтін абыройлы және мәртебелі қызмет екені сөзсіз. Алайда азаматтық қорғаныс саласында адал еңбек ету бәрінің қолынан келе бермейтін шаруа екенін де ұмытпауымыз қажет", – деді мрезидент.
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев құтқарушыларға мемлекеттік марапаттар тапсырды
Қасым-Жомарт Тоқаев азаматтық қорғаныс саласын дамыту үшін озық технологияларды енгізу және материалдық-техникалық әлеуетті нығайту маңызды екеніне назар аударды.
"Кейінгі бес жылда құтқарушыларымыз 75 мыңнан астам жедел шақырту бойынша 240 мыңға жуық азаматқа көмек көрсетті. Мемлекет азаматтық қорғаныс жүйесін одан әрі дамытуға ерекше көңіл бөліп отыр. Бүгінде бұл салаға қойылатын талап түбегейлі өзгеруде. Ең басты міндет – апаттың алдын алу. Сондықтан осы салаға озық технологияны және жасанды интеллектіні енгізу аса маңызды", – деді президент.
Оның айтуынша, соңғы үш жылда 3 мыңдай техника, соның ішінде жаңа ұшақтар мен тікұшақтар, сан алуан қызмет көрсетуге арналған кемелер сатып алынды. 60-қа жуық өрт сөндіру депосы мен құтқару станциясы салынды.
