https://sputnik.kz/20261014/quryltay-aldagy-ush-zhylga-arnalgan-respublikalyq-byudzhet-zhobasyn-maquldady-67575828.html
Құрылтай алдағы үш жылға арналған республикалық бюджет жобасын мақұлдады
Құрылтай алдағы үш жылға арналған республикалық бюджет жобасын мақұлдады
Sputnik Қазақстан
2027 жылы меншікті кірістер 19,9 трлн теңге көлемінде болжанып отыр 14.10.2026, Sputnik Қазақстан
2026-10-14T12:45+0500
2026-10-14T12:45+0500
2026-10-14T12:45+0500
құрылтай
бюджет
https://sputnik.kz/img/07ea/0a/0e/67572723_0:60:1280:780_1920x0_80_0_0_415b5e471a7342695fd5169dfafda2df.jpg
АСТАНА, 14 қазан – Sputnik. Құрылтай депутаттары "2027-2029 жылдарға арналған республикалық бюджет туралы" заң жобасын бірінші оқылымда мақұлдады.Жобаға сәйкес, алдағы орта мерзімді кезеңде жалпы ішкі өнімнің орташа жылдық өсу қарқыны 5,4%-ды құрайды.Сонымен қатар Ұлттық қордан бөлінетін кепілдендірілген трансферт көлемі біртіндеп азайтылып, 2 трлн теңгеге дейін төмендейді.2027 жылы меншікті кірістер 19,9 трлн теңге көлемінде болжанып отыр. Оның басым бөлігін салық түсімдері құрайды. Сондай-ақ 5,5 трлн теңге көлемінде трансферт түседі деп күтілуде. Республикалық бюджет шығыстары 30,2 трлн теңге көлемінде жоспарланған. Оның үштен бірінен астамы ғылым, білім беру және медицина салаларын қолдауды күшейту арқылы адами капиталды дамытуға бағытталады.Өзге басым бағыттардың қатарында өңірлерді қолдау, ел қауіпсіздігін қамтамасыз ету, мемлекеттік борышқа қызмет көрсету және басқа да міндеттер бар.Заң жобасын қарау барысында депутаттар ерекше назар аударуды қажет ететін бірқатар мәселені көтерді. Олардың қатарында макроэкономикалық болжамдардың дәлдігін арттыру және бюджеттің меншікті кірістерінің тұрақты өсуін қамтамасыз ету бар. Сондай-ақ Ұлттық қордың тұрақтандыру және жинақтау функцияларын сақтай отырып, одан берілетін трансферттерге тәуелділікті азайту қажеттігі аталып өтті.
https://sputnik.kz/20261013/qazaqstan-ekonomikasy-teris-faktorlarga-qaramactan-osip-keledi---ukimet-67549875.html
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
құрылтай, бюджет
Құрылтай алдағы үш жылға арналған республикалық бюджет жобасын мақұлдады
2027 жылы меншікті кірістер 19,9 трлн теңге көлемінде болжанып отыр
АСТАНА, 14 қазан – Sputnik. Құрылтай депутаттары "2027-2029 жылдарға арналған республикалық бюджет туралы" заң жобасын бірінші оқылымда мақұлдады.
Жобаға сәйкес, алдағы орта мерзімді кезеңде жалпы ішкі өнімнің орташа жылдық өсу қарқыны 5,4%-ды құрайды.
"Жылдық инфляцияның нысаналы дәлізі 2027 жылы 7,5-9,5% деңгейінде белгіленіп, 2029 жылға қарай 6%-ға дейін төмендейді деп күтілуде. Республикалық бюджет тапшылығын кезең соңына қарай ЖІӨ-нің 0,4%-ына дейін қысқарту, ал меншікті кірістерді 23,4 трлн теңгеге дейін ұлғайту жоспарланып отыр", - деп жазылған Құрылтай хабарламасында.
Сонымен қатар Ұлттық қордан бөлінетін кепілдендірілген трансферт көлемі біртіндеп азайтылып, 2 трлн теңгеге дейін төмендейді.
2027 жылы меншікті кірістер 19,9 трлн теңге көлемінде болжанып отыр. Оның басым бөлігін салық түсімдері құрайды. Сондай-ақ 5,5 трлн теңге көлемінде трансферт түседі деп күтілуде. Республикалық бюджет шығыстары 30,2 трлн теңге көлемінде жоспарланған. Оның үштен бірінен астамы ғылым, білім беру және медицина салаларын қолдауды күшейту арқылы адами капиталды дамытуға бағытталады.
Өзге басым бағыттардың қатарында өңірлерді қолдау, ел қауіпсіздігін қамтамасыз ету, мемлекеттік борышқа қызмет көрсету және басқа да міндеттер бар.
"Атап айтқанда, келесі жылы экономиканың нақты секторын дамытуға 3,7 трлн теңге қарастырылған. Бұл қаражаттың басым бөлігі көлік инфрақұрылымына, ауыл шаруашылығына, өнеркәсіпке, кәсіпкерлікке және цифрлық дамуға бағытталады", - деп жазылған хабарламада.
Заң жобасын қарау барысында депутаттар ерекше назар аударуды қажет ететін бірқатар мәселені көтерді. Олардың қатарында макроэкономикалық болжамдардың дәлдігін арттыру және бюджеттің меншікті кірістерінің тұрақты өсуін қамтамасыз ету бар. Сондай-ақ Ұлттық қордың тұрақтандыру және жинақтау функцияларын сақтай отырып, одан берілетін трансферттерге тәуелділікті азайту қажеттігі аталып өтті.
