ЕАЭО сапаны бақылау және контрафактілік өнімдерге қарсы күресті күшейтеді
Жазылу
Нарық қатысушыларының ықтимал бұзушылықтарына жедел жауап беру үшін ЕЭК алдағы өзгерістерді екі санатқа бөлуді ұсынады
АСТАНА, 13 қазан – Sputnik. Еуразиялық экономикалық комиссияның (ЕЭК) техникалық реттеу жөніндегі министрі Александр Субботин мен Федералдық аккредиттеу қызметінің ("Росаккредитация") басшысы Дмитрий Волвач Еуразиялық экономикалық одақ аясында сапаны бақылау және контрафактілік өнімдерге қарсы күрес жүйесін жаңғырту мәселелерін талқылады. Бұл туралы Комиссия хабарлады.
"Біздің мақсатымыз – нарыққа қауіпті немесе талаптарға сай келмейтін тауарларды шығару мүлдем мүмкін болмайтындай жүйе құру", – деді Субботин кездесу барысында.
Нарық қатысушыларының ықтимал бұзушылықтарына жедел жауап беру үшін ЕЭК алдағы өзгерістерді екі санатқа бөлуді ұсынады.
Біріншісі ЕАЭО интеграцияланған ақпараттық жүйе тетіктерін іске қосқанға дейін жүзеге асырылуы мүмкін шараларды қамтиды.
Біріншісі ЕАЭО интеграцияланған ақпараттық жүйе тетіктерін іске қосқанға дейін жүзеге асырылуы мүмкін шараларды қамтиды.
"Ұсыныс уәкілетті органдар арасындағы өзара іс-қимылдың уақытша тәртібін белгілеуді, құжаттармен алмасуды және шағымдарды қарау процестерін жеңілдетуді және бірыңғай тізілімдердегі деректердің дәлдігін арттыруды қамтиды. Бұл ЕАЭО елдеріндегі сертификаттау органдары мен сынақ зертханаларының жұмысындағы бұзушылықтарды жедел анықтауға мүмкіндік береді", - делінген мәлімдемеде.
Комиссия бұл бағытта 2018 жылдан бері қолданыстағы ЕАЭО-ға мүше мемлекеттердің аккредиттеу органдары басшыларының кеңесі туралы ережеге енгізілетін өзгерістер жобасына ерекше назар аударылып отырғанын атап өтті.
"Кеңеске ұлттық органдар арасындағы келіспеушіліктерді шешу мақсатында міндетті консультациялар өткізу, мұндай отырыстардың тәртібін бекіту және олардың қорытынды материалдарын Комиссияға ұсыну өкілеттігін беру көзделуде", – делінген хабарламада.
Бұл тетік дауларды кәсіби тұрғыдан қарауды жеделдетіп, реттеуші органдардың үйлесімді іс-қимылын қамтамасыз етеді.
"Тұтынушы қаптамадағы ЕАЭО сертификаттау белгісі өнімнің нақты сапасын көрсететініне және біздің нарықтағы бәсекелестіктің әділ екеніне сенімді болуы тиіс", — деді Александр Субботин.
Кеңесулер мен қажетті рәсімдерден кейін шаралар кешенін бекіту үшін Еуразиялық үкіметаралық кеңестің қарауына ұсынылады.
