https://sputnik.kz/20261008/qazaqstandagy-songy-an-26-ushagy-zeynetke-shygaryldy-67398153.html

Қазақстандағы соңғы Ан-26 ұшағы "зейнетке" шығарылды

Қазақстандағы соңғы Ан-26 ұшағы "зейнетке" шығарылды

Sputnik Қазақстан

АСТАНА, 8 қазан – Sputnik. Ұлттық ұланның авиациясы пайдаланған соңғы Ан-26 ұшағы соңғы рейсін орындағаннан кейін есептен шығарылды, деп хабарлайды Sputnik... 08.10.2026, Sputnik Қазақстан

2026-10-08T11:45+0500

2026-10-08T11:45+0500

2026-10-08T11:46+0500

қазақстан

ұшақ

https://sputnik.kz/img/07ea/0a/08/67394214_56:116:1296:813_1920x0_80_0_0_d712d30947a03a6571d19565bdca8246.jpg

АСТАНА, 8 қазан – Sputnik. Ұлттық ұланның авиациясы пайдаланған соңғы Ан-26 ұшағы соңғы рейсін орындағаннан кейін есептен шығарылды, деп хабарлайды Sputnik Қазақстан.1981 жылы Киев авиациялық зауытында шығарылған ұшақ алғашқы он жылға жуық уақыт КСРО Мемлекеттік қауіпсіздік комитетінің балансында болды. Оны шекара әскерлерінің авиациясы сарбаздар мен жүктерді тасымалдау, сондай-ақ оңтүстік шекараны күзету үшін пайдаланған. Сол кезде ұшақтың негізгі базасы Қазақ КСР аумағында орналасқан.1992 жылы Ан-26 Қазақстанның Ұлттық ұланына тапсырылды.Осы уақыт ішінде Ан-26 ұшағы өз міндетін мінсіз атқарып келді. Әуе кемесі ИКАО талаптарына сай жаңғыртудан өтіп, Қазақстан аумағымен қатар жақын шетелдерге де ұшуға мүмкіндік алды.Соңғы рейстен оралған экипаж мүшелері де әуе кемесімен қимай қоштасты. 3656 әскери бөлімінің ұшқышы, подполковник Медет Сейітов бұл ұшақтың осы түрін 15 жылдан бері басқарып келеді."Осымен Қазақстанның әскери авиациясындағы осы типтегі ұшақтардың қызмет тарихы аяқталды. 44 жылдық "еңбек өтілі" мен 8400 сағаттық ұшу уақытын артқа қалдырған әскери-тасымал ұшағы енді жауынгерлік қызмет атқармайды", – деді Сейітов.

қазақстан

2026

Жаңалықтар

kk_KK

қазақстан, ұшақ