Озық елдің қуаты табиғи байлығымен емес, адам капиталының сапасымен өлшенеді – Тоқаев
© Photo : Пресс-служба президента Казахстана
Жазылу
Мемлекет басшысы мұғалімдерді кәсіби мерекесімен құттықтады
АСТАНА, 5 қазан – Sputnik. Ақордада ұстаздардың кәсіби мерекесіне орай салтанатты іс-шара өтті.
Қасым-Жомарт Тоқаев педагогтерді мерекесімен құттықтап, Мұғалім күні бүкіл қоғамды біріктіретін, нағыз халықтық сипаты бар, қастерлі де қадірлі мерекеге айналғанын атап өтті.
Ақордада ұстаздардың кәсіби мерекесіне орай салтанатты іс-шара өтті
© Photo : Пресс-служба президента Казахстана
"Баршаңызға мәлім, біз "Педагог мәртебесі туралы" арнайы заң қабылдадық. Мемлекеттік марапаттар тізіміне "Қазақстанның еңбек сіңірген ұстазы" атағы енгізілді. Елімізде бірнеше мұғалім ең жоғары мемлекеттік награда – "Қазақстанның Еңбек Ері" атағына ие болды. 5 қазан күні Ұстаздардың кәсіби мерекесі ретінде нақты бекітілді. Біз жыл сайын бір қоғам болып осы мейрамды кең көлемде атап өтіп жүрміз", – деді президент.
Президенттің пікірінше, өркениетті әрі озық елдің қуаты оның табиғи байлығымен емес, ең алдымен, адам капиталының сапасымен өлшенеді. Мемлекеттің әлемдегі орны да, экономикалық әлеуеті де қоғамдағы білім мен ғылымның деңгейіне тәуелді.
"Соңғы жеті жылда елімізде 1 миллионнан астам оқушыға арналған 1342 мектеп салынды. Биыл тағы 101 мектеп салынып жатыр. "Келешек мектептері" ұлттық жобасы аясында білім беру мекемелерінің жаңа стандарты қалыптасты. Соның арқасында заманауи инфрақұрылымы бар, балалардың сапалы білім алып, дамуына барлық жағдай жасалған оқу ордалары бой көтеруде. Бүгінде 460 мың оқушыға арналған осындай 217 мектеп салынды. Сол мектептердің 84-і, яғни 40 пайызға жуығы ауылдық жерде орналасқан", – деді мемлекет басшысы.
Оның айтуынша ауыл мектебі де, қала мектебі де балаларға бірдей сапалы білім беретін заманауи оқу мекемесі болуы керек.
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
Ақордада ұстаздардың кәсіби мерекесіне орай салтанатты іс-шара өтті
"Қазіргі таңда мемлекет Жасанды интеллект жүйесіне негізделген арнайы сабақтарды орта мектептерге жаппай енгізу бағдарламасын іске асыруда. Бұл – өте маңызды жұмыс. Үкімет осы мәселеге баса мән беруге тиіс", – деп түйіндеді Қасым-Жомарт Тоқаев.
