Атырау облысының емханаларында ЖИ-көмекші енгізілді
Жазылу
"Әсел" виртуалды операторы Атырау облысының медициналық ұйымдарында тәулік бойы жұмыс істейді
АСТАНА, 2 қазан — Sputnik. Атырау облысының емханаларында жасанды интеллект негізіндегі көмекші енгізілді, деп хабарлады өңір әкімдігі.
"Akylmed AI" медициналық коммуникациялар жүйесі облыстағы 15 емхана мен алғашқы медициналық-санитариялық көмек ұйымында іске қосылды. Мәселен, Атырау қаласындағы №6 емханада жүйе 37 мыңнан астам пациентті қамтыды.
"Әсел" виртуалды операторы тәулік бойы жұмыс істейді: пациенттерге дәрігерге жазылуға көмектеседі, анықтамалық сұрақтарға жауап береді және өтініштерді қабылдайды. Сонымен қатар жүйе пациенттерге қоңырау шалып, скрининг, вакцинация және флюорографиядан өту қажеттігін еске салады. "Akylmed AI" "Damumed" медициналық ақпараттық жүйесімен интеграцияланған", - деп хабарлады әкімдік.
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Атырау облысының емханаларына жасанды интеллект көмектеседі
Сондай-ақ емханада жасанды интеллект негізіндегі өзіне-өзі қызмет көрсету терминалы жұмыс істейді. Оның көмегімен пациенттер қажетті анықтамалық ақпаратты алып, кейбір мәселелерді тіркеу бөліміне бармай-ақ шеше алады. Бұл қызметкерлердің жүктемесін азайтып, жеке қатысуды қажет ететін өтініштерге көбірек көңіл бөлуге мүмкіндік береді.
"Цифрлық шешімдер нақты нәтиже беруі керек: дәрігерлердің жұмысын жеңілдетіп, медициналық қызметтерді азаматтарға қолайлы етуге тиіс. Келесі қадам – пациентке мобильді қосымша арқылы қабылдауға өздігінен жазылу мүмкіндігін беру. Бұл ретте құпиялылық пен деректерді қорғау міндетті шарт болуға тиіс", — деп атап өтті облыс әкімі Болат Ақшолақов.
Атырау облысы – жасанды интеллект қолданылатын бірыңғай медициналық коммуникациялар жүйесі орталықтандырылған түрде енгізілген Қазақстандағы алғашқы өңір, деп атап өтті облыс билігі.
