Қазақстан Ауғанстанға 21 млн долларға бидай мен күнбағыс майын жеткізеді
Жазылу
2026 жылдың қаңтар-шілде айларында екі ел арасындағы тауар айналымы 581,1 млн доллар болды
АСТАНА, 30 қыркүйек – Sputnik. Қазақстандық компаниялар Герат қаласындағы бизнес-форумда Ауғанстанға 21 млн долларға бидай мен күнбағыс майын жеткізу туралы келісім жасады, деп хабарлады Сауда және интеграция министрлігі.
Қазақстандық компаниялар Ауғанстанға 21 млн долларға бидай мен күнбағыс майын жеткізу туралы келісім жасады
Кездесулердің қорытындысы бойынша қазақстандық WAYSTAR және Kim Rail International компаниялары ауғандық OSMAN KHALID компаниясымен бидай жеткізуге қатысты жалпы құны $11 млн болатын екі келісімшартқа қол қойды.
"Сонымен қатар Қазақстанның Майлы дақылдарды өңдеушілер ұлттық қауымдастығының қатысуымен құны шамамен $10 млн болатын күнбағыс майын жеткізу туралы келісім жасалды. Сапар аясында "Хаф–Герат" теміржолының үшінші учаскесінің ашылу рәсімі де өтті. Оның құрылысына қазақстандық "Integra Construction KZ" ЖШС қатысты", - делінген хабарламада.
Қазақстандық компаниялар Ауғанстанға 21 млн долларға бидай мен күнбағыс майын жеткізу туралы келісім жасады
Қазақстандық компаниялар Ауғанстанға 21 млн долларға бидай мен күнбағыс майын жеткізу туралы келісім жасады
Қазақстандық компаниялар Ауғанстанға 21 млн долларға бидай мен күнбағыс майын жеткізу туралы келісім жасады
Қазақстандық компаниялар Ауғанстанға 21 млн долларға бидай мен күнбағыс майын жеткізу туралы келісім жасады
Қазақстандық делегация Герат провинциясындағы индустриялық аймақтың өндірістік әлеуетімен де танысты.
"Қазақстан мен Ауғанстан арасындағы сауда көлемі де өсіп келеді. 2026 жылдың қаңтар-шілде айларында екі ел арасындағы тауар айналымы $581,1 млн болды. Бұл 2025 жылдың бүкіл қорытындысындағы $541,6 млн көрсеткіштен жоғары", - деп жазылған хабарламада.
Қазақстанның Ауғанстанға экспортында ұн, бидай, күнбағыс майы, металл өнімдері және минералды тыңайтқыштар негізгі орын алады.
