https://sputnik.kz/20260922/buu-bas-assambleyasynda-ukraina-zhane-iran-maseleleri-talqylanady-66890979.html
БҰҰ Бас Ассамблеясында Украина және Иран мәселелері талқыланады
БҰҰ Бас Ассамблеясында Украина және Иран мәселелері талқыланады
Sputnik Қазақстан
АСТАНА, 22 қыркүйек – Sputnik. Мемлекет және үкімет басшылары Нью-Йоркте БҰҰ Бас Ассамблеясының 81-сессиясында Украинадағы қақтығысты реттеу, Таяу Шығыс пен... 22.09.2026, Sputnik Қазақстан
2026-09-22T08:56+0500
2026-09-22T08:56+0500
2026-09-22T08:56+0500
ресейдің украинадағы арнайы әскери операциясы
https://sputnik.kz/img/07ea/01/04/60123423_0:160:3072:1888_1920x0_80_0_0_1d4a888178e2f737f8a78598573aa903.jpg
АСТАНА, 22 қыркүйек – Sputnik. Мемлекет және үкімет басшылары Нью-Йоркте БҰҰ Бас Ассамблеясының 81-сессиясында Украинадағы қақтығысты реттеу, Таяу Шығыс пен Иран төңірегіндегі жағдайды талқылайды.Жалпы пікірталастар 22-26 қыркүйек аралығында өтеді және 28 қыркүйекте аяқталады. Нью-Йоркке шамамен 130 мемлекет пен үкімет басшысы жиналады.Алғашқы күні Бас Ассамблея мінберінен АҚШ президенті Дональд Трамп сөз сөйлейді. Апта барысында Иран президенті Масуд Пезешкиан, Израиль премьер-министрі Биньямин Нетаньяху, Ресей сыртқы істер министрі Сергей Лавров және Украина президенті Владимир Зеленскийдің сөз сөйлеуі жоспарланған.Украина мәселесі басты назардаБас Ассамблея аясындағы кездесулердің негізгі тақырыптарының бірі – Украинадағы жағдайды реттеу.РИА Новости агенттігінің мәліметінше Ресей сыртқы істер министрі Сергей Лавровтың АҚШ мемлекеттік хатшысы Марко Рубиомен кездесуі пысықталып жатыр.Ал Украина басшысы Владимир Зеленский Нью-Йоркте Дональд Трамппен кездесуге келіскенін мәлімдеді. АҚШ бұқаралық ақпарат құралдары да мұндай кездесудің жоспарланып отырғанын хабарлады.Бұл келіссөздер Ресей, АҚШ және Украина арасындағы үшжақты диалогты қайта бастау әрекеттері аясында өтпек. Қыркүйек айының басында Трамптың арнайы өкілдері Стив Уиткофф пен Джаред Кушнер Мәскеу мен Киевке барған. Келіссөздерден кейін Кушнер Вашингтон үшжақты форматқа қайта оралуды көздеп отырғанын айтқан. Кремль де мұндай келіссөздерді қайта бастауға үміт бар екенін мәлімдеді.Иран мәселесі де күн тәртібіндеАптаның тағы бір маңызды тақырыбы — Иран төңірегіндегі жағдай және АҚШ-тың Таяу Шығыстағы одан арғы саясаты.Трамп Бас Ассамблея аясында Парсы шығанағындағы араб мемлекеттерінің ынтымақтастық кеңесіне кіретін елдердің көшбасшыларымен келіссөз өткізуді жоспарлап отыр. Кездесудің негізгі тақырыптарының бірі Иран төңірегіндегі жағдай болады деп жоспарланған.
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
АСТАНА, 22 қыркүйек – Sputnik. Мемлекет және үкімет басшылары Нью-Йоркте БҰҰ Бас Ассамблеясының 81-сессиясында Украинадағы қақтығысты реттеу, Таяу Шығыс пен Иран төңірегіндегі жағдайды талқылайды.
Жалпы пікірталастар 22-26 қыркүйек аралығында өтеді және 28 қыркүйекте аяқталады. Нью-Йоркке шамамен 130 мемлекет пен үкімет басшысы жиналады.
Алғашқы күні Бас Ассамблея мінберінен АҚШ президенті Дональд Трамп сөз сөйлейді. Апта барысында Иран президенті Масуд Пезешкиан, Израиль премьер-министрі Биньямин Нетаньяху, Ресей сыртқы істер министрі Сергей Лавров және Украина президенті Владимир Зеленскийдің сөз сөйлеуі жоспарланған.
Украина мәселесі басты назарда
Бас Ассамблея аясындағы кездесулердің негізгі тақырыптарының бірі – Украинадағы жағдайды реттеу.
РИА Новости агенттігінің мәліметінше Ресей сыртқы істер министрі Сергей Лавровтың АҚШ мемлекеттік хатшысы Марко Рубиомен кездесуі пысықталып жатыр.
Ал Украина басшысы Владимир Зеленский Нью-Йоркте Дональд Трамппен кездесуге келіскенін мәлімдеді. АҚШ бұқаралық ақпарат құралдары да мұндай кездесудің жоспарланып отырғанын хабарлады.
Бұл келіссөздер Ресей, АҚШ және Украина арасындағы үшжақты диалогты қайта бастау әрекеттері аясында өтпек. Қыркүйек айының басында Трамптың арнайы өкілдері Стив Уиткофф пен Джаред Кушнер Мәскеу мен Киевке барған. Келіссөздерден кейін Кушнер Вашингтон үшжақты форматқа қайта оралуды көздеп отырғанын айтқан. Кремль де мұндай келіссөздерді қайта бастауға үміт бар екенін мәлімдеді.
Иран мәселесі де күн тәртібінде
Аптаның тағы бір маңызды тақырыбы — Иран төңірегіндегі жағдай және АҚШ-тың Таяу Шығыстағы одан арғы саясаты.
Трамп Бас Ассамблея аясында Парсы шығанағындағы араб мемлекеттерінің ынтымақтастық кеңесіне кіретін елдердің көшбасшыларымен келіссөз өткізуді жоспарлап отыр. Кездесудің негізгі тақырыптарының бірі Иран төңірегіндегі жағдай болады деп жоспарланған.
