Астанада электромобильдерге арналған толық автономды қуаттау станциясы таныстырылды
Жазылу
Нысан қалалық электр желісіне тәуелсіз (off-grid) жұмыс істейді
АСТАНА, 26 тамыз – Sputnik. Астанада ТМД-да алғаш рет электромобильдерге арналған толық автономды күн энергиясымен жұмыс істейтін зарядтау станциясы таныстырылды.
Экология және табиғи ресурстар министрлігі бұл станцияны еліміз бойынша green-tech шешімдерін кеңінен енгізудің жаңа серпінді бағыты деп сипаттады.
Астанада электромобильдерге арналған толық автономды зарядтау станциясы таныстырылды
"Алатау" спорт кешенінің аумағында орналасқан жаңа жасыл хабты отандық кәсіпорын әзірлеген. Нысан қалалық электр желісіне тәуелсіз (off-grid) жұмыс істейді.
Ол қуаты 100 кВт күн электр станциясын және сыйымдылығы 645 кВт·сағ энергия жинақтау жүйесін біріктіреді. Сонымен қатар жоба Қазақстанның Жасыл таксономиясының барлық талаптарына толық сәйкес келеді.
Астанада электромобильдерге арналған толық автономды зарядтау станциясы таныстырылды
Астанада электромобильдерге арналған толық автономды зарядтау станциясы таныстырылды
Астанада электромобильдерге арналған толық автономды зарядтау станциясы таныстырылды
Астанада электромобильдерге арналған толық автономды зарядтау станциясы таныстырылды
Астанада электромобильдерге арналған толық автономды зарядтау станциясы таныстырылды
Астанада электромобильдерге арналған толық автономды зарядтау станциясы таныстырылды
"Біз жекелеген жасыл нысандарды ғана емес, жаңартылатын энергетика, электр көлігі, инновациялық технологиялар мен көміртекті жобалар біртұтас жүйе ретінде жұмыс істейтін төмен көміртекті экономиканың тұтас инфрақұрылымын қалыптастыруымыз керек. Күн энергиясын пайдаланып жұмыс істейтін зарядтау станциясы электр көлігіне қажетті инфрақұрылымды дамытуға мүмкіндік беріп қана қоймай, көміртек ізін азайтуға да жол ашады", - деді экология және табиғи ресурстар вице-министрі Мансұр Ошурбаев.
Алдағы уақытта мұндай станциялар желісін ауқымды түрде кеңейту көзделіп отыр.
Осындай станциялар желісін дамыту Қазақстанға Париж келісімінің 6-бабы аясында сапалы климаттық жобалар портфелін қалыптастыруға мүмкіндік береді. Бұл өз кезегінде жеке инвестицияларды тартуға серпін беріп, көлік саласындағы парниктік газдар шығарындыларын жүйелі түрде азайтуға жол ашады.
