Құрылтай сайлауы: Корея мен Жапониядағы қазақстандықтар алғашқы болып дауыс берді
07:44 23.08.2026 (жаңартылды: 07:47 23.08.2026)
© Photo : пресс-служба МИД Казахстана
Жазылу
Олардың бірі сайлау учаскесіне қазақ қоғамындағы әділеттілік, заңдылық пен даналықтың символы - Би бейнесінде келді
АСТАНА, 23 тамыз – Sputnik. Қазақстан Республикасының азаматтары Құрылтай депутаттарын сайлауына бірінші болып Кореяда жүзеге асырды, деп хабарлады сыртқы істер министрлігі.
Корея мен Жапониядағы қазақстандықтар алғашқы болып дауыс берді
© Photo : пресс-служба МИД Казахстана
Сеулдегі сайлау учаскесінде алғашқылардың бірі болып Корея университетінің студенті Ажар Каримжанова өз таңдауын жасады.
"Мен Кореяда үш жылдан бері тұрып, қазіргі уақытта Корея университетінде білім алып жүрмін. Қазақстан Республикасының азаматы ретінде еліміздің болашағына қатысты маңызды қоғамдық-саяси үдерістерден тыс қалмауға және өз үлесімді қосуға тырысамын", - деді Ажар Каримжанова.
Корея мен Жапониядағы қазақстандықтар алғашқы болып дауыс берді
© Photo : пресс-служба МИД Казахстана
Оның айтуынша, сайлауға қатысу - әр азаматтың конституциялық құқығы ғана емес, сонымен қатар азаматтық жауапкершілігі мен парызы.
Ал Токиодағы сайлау учаскесінде алғашқылардың бірі болып біздің отандасымыз Әлішер Әзімбаев дауыс берді, ол қазақ қоғамындағы әділеттілік, заңдылық пен даналықтың символы - Би бейнесінде келді.
Корея мен Жапониядағы қазақстандықтар алғашқы болып дауыс берді
© Photo : пресс-служба МИД Казахстана
Цукуба университетінде "Мемлекеттік саясат" мамандығы бойынша оқитын Әлішер қазақ халқының тарихи дәстүрлерін Қазақстанның жас буынының заманауи ұмтылыстарымен символдық түрде ұштастырды.
Ол Құрылтай тарихи тұрғыдан Ұлттық жиналыс болғанын, онда ел тағдырын айқындайтын маңызды шешімдер қабылданғанын айтты.
"Менің ойымша, жаңадан құрылған Құрылтай бұл дәстүрді халықпен өзара іс — қимылда мемлекеттік маңызы бар мәселелерді шешуге арналған қазіргі заманғы саяси институт ретінде жалғастырады", - деді ол.
