https://sputnik.kz/20260727/tatarstan-onerpazdary-petropavldagy-khalyqaralyq-sabantoyda-oner-korsetti-65231865.html

Татарстан өнерпаздары Петропавлдағы халықаралық Сабантойда өнер көрсетті

Татарстан өнерпаздары Петропавлдағы халықаралық Сабантойда өнер көрсетті

Sputnik Қазақстан

Татарстан Республикасының раисы Рустам Минниханов бастаған делегация Солтүстік Қазақстан облысына келді 27.07.2026, Sputnik Қазақстан

2026-07-27T08:52+0500

2026-07-27T08:52+0500

2026-07-27T08:52+0500

татарстан

петропавл

https://sputnik.kz/img/07ea/07/1b/65223781_0:66:1280:786_1920x0_80_0_0_404eb76b14455947fbf357b382f71d57.jpg

АСТАНА, 27 шілде – Sputnik. Петропавл қаласына Татарстан Республикасының раисы Рустам Минниханов бастаған делегация ресми сапармен келді.Солтүстік Қазақстан облысы әкімдігінің мәліметінше, өңір мен Татарстан Республикасы арасында ауыл шаруашылығы машина жасау, медициналық жабдықтар, электротехникалық өнімдер өндіру және құрылыс индустриясы салаларында бірлескен жобалар табысты жүзеге асырылып жатыр.Кездесу барысында тараптар ынтымақтастықтың перспективалы бағыттарын, жаңа даму мүмкіндіктерін және өзара іс-қимылды кеңейту жолдарын талқылады."Келіссөз қорытындысы бойынша өзара ынтымақтастық туралы бірқатар меморандумға қол қойылды. Қол жеткізілген уағдаластықтар жаңа бірлескен жобаларды іске асыруға, сауда-экономикалық байланыстарды нығайтуға және Солтүстік Қазақстан облысы мен Татарстан Республикасы арасындағы әріптестікті одан әрі дамытуға негіз болады", – деп хабарлады облыс әкімдігі.Делегация сапары тек іскерлік кездесулермен шектелмей, Петропавл қаласында халықаралық QYZYLJAR SABANTUI – 2026 мерекесі кең көлемде аталып өтті. Іс-шараға Ресейден келген қонақтармен қатар Қазақстанның басқа өңірлерінен де делегациялар қатысты.Мерекелік сахнада Татарстан Республикасынан келген өнер шеберлері өнер көрсетті. Қазақстан атынан халық әртісі Роза Рымбаева мен жергілікті шығармашылық ұжымдар қатысып, көрермендерге ерекше көңіл күй сыйлады.Татарстаннан 200-ден астам өнерпаз, музыкант және мәдениет қайраткерлерінен құралған шығармашылық делегация келді. Олар ұлттық өнердің үздік үлгілерін ұсынып, мереке қонақтарына Сабантойдың ерекше атмосферасын тарту етті, деп хабарлады облыс әкімдігі.Мереке барысында тақырыптық алаңдар мен "Татар ауылы" этноаумағы жұмыс істеп, келушілерді татар халқының салт-дәстүрімен, мәдениетімен және бай тарихи мұрасымен таныстырды."Солтүстік Қазақстан облысы үшін QYZYLJAR SABANTUI мерекесінің маңызы ерекше. Өңіріміз көптеген жыл бойы бейбітшілік пен қоғамдық келісімнің, өзара құрмет пен этносаралық татулықтың үлгісі болып келеді. Түрлі этнос өкілдері өздерінің дәстүрлерін сақтай отырып, ортақ болашақты бірге қалыптастыруда", – деп атап өтті облыс әкімдігі.

татарстан

петропавл

2026

Жаңалықтар

kk_KK

татарстан, петропавл