https://sputnik.kz/20260721/gaz-ben-tezhegishti-shatastyrgan-almaty-oblysynda-kolik-uy-aulasyna-kirip-ketken-65074872.html
"Енді ана болмаймын ба?": Алматы облысында аяғынан айырылған әйел көмекке зәру
"Енді ана болмаймын ба?": Алматы облысында аяғынан айырылған әйел көмекке зәру
Sputnik Қазақстан
Сүйіктісіне көлігін беріп қойған жігіт 7 жылға көлік жүргізу куәлігінен айырылған 21.07.2026, Sputnik Қазақстан
2026-07-21T11:53+0500
2026-07-21T11:53+0500
2026-07-21T13:07+0500
алматы облысы
соқтығысу
қылмыстық іс
https://sputnik.kz/img/07ea/07/15/65074101_0:120:1280:840_1920x0_80_0_0_61e6c5fd316742e29a8af66a0ce597c9.jpg
АСТАНА, 21 шілде – Sputnik. Алматы облысы Қарасай ауданы Көксай ауылында аула ішінде жол апаты болды. Салдарынан екі адам ауыр жараланды, бірі аяғынан айырылды. Оқиға қалай болды, Sputnik Қазақстан тілшісі айтады.Тағы бір адамның 6 қабырғасы сынды40 жасқа толғанын мерекелеп, қонақ күткен Сымбат Клышева дәл сол күні бір аяғынан айырылды. Қақпаға келіп соғылған көлік аула ішінде дастарқан басында отырғандарды қағып құлатқан.Аяғын бөліп тастады ...Сол күнгі жантүршігерлік оқиғаны көршілері де естіген."Тереземіз ашық тұрған. Шыңғырған әйелдің даусы шықты. Жүгіріп барсақ, аулаға көлік кіріп кетіпті. Сол үйдің иесі "әйелімнің аяғын бөліп тастады" деп есі шығып жүр. Бұрын да бұл қақпаға көлік соғылған, бірақ мұндай ауыр соқпаған. Көліктер жылдамдықты төмендетпейді", - дейді Бақытбек есімді көрші.Сымбаттың 40 жаста, балалы болсам деп ЭКО жасатуға дайындалып жүрген.Кінәлі тараптың жағдайы жоқКінәлі 24 жастағы қыздың отбасы жібірленушіге көмектесетін шамасы жоқ."Ол қыздың анасы жалғызбасты. Балабақшада еден жуушы болып жұмыс істейді екен. Пәтер жалдап тұрады, жалақысы 250 мың теңге. Кешірім сұрап келіп жүр, Сымбаттың кейбір заттарын алып берді", - дейді жәбірленуші тарап.Екі тараптың да адвокат жалдауға шамасы жоқ. Ал сүйіктісіне көлігін беріп қойған жігіт 7 жылға көлік жүргізу куәлігінен айырылған. Ол тарап Сымбатқа көмектесуге ниет таныта қоймапты."Адвокаттың қызметі 2 млн теңге. Кінәлі қыздың анасында да, бізде де адвокат жалдауға шама жоқ. Ол кісі "қызымды қорғауға да мүмкіндігім жоқ" деді", - дейді Шолпан Клышева.Бір аяғынан айырылған Сымбаттың үйі оның жағдайына сай келмейді. Ал протез аяқтың құны 5 млн теңгеден 15 млн теңгеге дейін барады. Отбасының мұндай қаржыға мүмкіндігі жоқ. Қазір Клышевалардың отбасына қаржылай,көмек керек.Алматы облысының полиция департаменті оқиғаға қатысы қылмыстық іс қозғады."Наурызбай батыр көшесімен жүріп келе жатқан Mercedes-Benz автокөлігін басқарған 24 жастағы қыз рөлге ие бола алмай, екі адамды қағып кеткен. Апат салдарынан зардап шеккендердің екеуі де медициналық мекемеге жеткізілді. Күдікті ұсталып, қамауға алынды", - дейді полицияда.Қазіргі уақытта барлық қажетті тергеу әрекеттері жүргізіліп жатыр.
https://sputnik.kz/20260608/turkistan-oblysynda-mas-ayel-bes-adamdy-qagyp-ketti-usheui-koz-zhumdy-63997915.html
алматы облысы
Sputnik Қазақстан
media@sputniknews.com
+74956456601
MIA „Rossiya Segodnya“
2026
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
алматы облысы, соқтығысу, қылмыстық іс
алматы облысы, соқтығысу, қылмыстық іс
"Енді ана болмаймын ба?": Алматы облысында аяғынан айырылған әйел көмекке зәру
11:53 21.07.2026 (жаңартылды: 13:07 21.07.2026) Сүйіктісіне көлігін беріп қойған жігіт 7 жылға көлік жүргізу куәлігінен айырылған
АСТАНА, 21 шілде – Sputnik. Алматы облысы Қарасай ауданы Көксай ауылында аула ішінде жол апаты болды. Салдарынан екі адам ауыр жараланды, бірі аяғынан айырылды. Оқиға қалай болды,
Sputnik Қазақстан тілшісі айтады.
Тағы бір адамның 6 қабырғасы сынды
40 жасқа толғанын мерекелеп, қонақ күткен Сымбат Клышева дәл сол күні бір аяғынан айырылды. Қақпаға келіп соғылған көлік аула ішінде дастарқан басында отырғандарды қағып құлатқан.
"Түнде сағат бір шамасында болды. Туыстар жиналып, Сымбаттың туған күніне барғанбыз. Көлік жүргізу куәлігі жоқ 24 жастағы қыз газ бен тежегішті шатастырып алған. Сол жерде менің 4 жастағы балам да отырған. Ол орындықта аяғын көтеріп отырған, әйтпесе ол да аяғынан айырылар еді. Ал сіңілім Сымбат сол аяғынан айырылды. Тағы бір туысымыздың 6 қабырғасы сынды", - дейді зардап шеккен әйелдің әпкесі Шолпан Клышева.
Сол күнгі жантүршігерлік оқиғаны көршілері де естіген.
"Тереземіз ашық тұрған. Шыңғырған әйелдің даусы шықты. Жүгіріп барсақ, аулаға көлік кіріп кетіпті. Сол үйдің иесі "әйелімнің аяғын бөліп тастады" деп есі шығып жүр. Бұрын да бұл қақпаға көлік соғылған, бірақ мұндай ауыр соқпаған. Көліктер жылдамдықты төмендетпейді", - дейді Бақытбек есімді көрші.
Сымбаттың 40 жаста, балалы болсам деп ЭКО жасатуға дайындалып жүрген.
"Сымбат бұған дейін үш рет ЭКО жасатқан. Осы жолы төртінші рет дайындалып жүрген. Күйеуі екеуі несие алып, "балам болсыншы" деп Құдайдан тілеп жүр еді. Көлік келіп соққанда Сымбат аяғына емес, "енді ана болмайын ба" деп шырылдады", - дейді әпкесі.
Кінәлі тараптың жағдайы жоқ
Кінәлі 24 жастағы қыздың отбасы жібірленушіге көмектесетін шамасы жоқ.
"Ол қыздың анасы жалғызбасты. Балабақшада еден жуушы болып жұмыс істейді екен. Пәтер жалдап тұрады, жалақысы 250 мың теңге. Кешірім сұрап келіп жүр, Сымбаттың кейбір заттарын алып берді", - дейді жәбірленуші тарап.
Екі тараптың да адвокат жалдауға шамасы жоқ. Ал сүйіктісіне көлігін беріп қойған жігіт 7 жылға көлік жүргізу куәлігінен айырылған. Ол тарап Сымбатқа көмектесуге ниет таныта қоймапты.
"Адвокаттың қызметі 2 млн теңге. Кінәлі қыздың анасында да, бізде де адвокат жалдауға шама жоқ. Ол кісі "қызымды қорғауға да мүмкіндігім жоқ" деді", - дейді Шолпан Клышева.
Бір аяғынан айырылған Сымбаттың үйі оның жағдайына сай келмейді. Ал протез аяқтың құны 5 млн теңгеден 15 млн теңгеге дейін барады. Отбасының мұндай қаржыға мүмкіндігі жоқ. Қазір Клышевалардың отбасына қаржылай,көмек керек.
Алматы облысының полиция департаменті оқиғаға қатысы қылмыстық іс қозғады.
"Наурызбай батыр көшесімен жүріп келе жатқан Mercedes-Benz автокөлігін басқарған 24 жастағы қыз рөлге ие бола алмай, екі адамды қағып кеткен. Апат салдарынан зардап шеккендердің екеуі де медициналық мекемеге жеткізілді. Күдікті ұсталып, қамауға алынды", - дейді полицияда.
Қазіргі уақытта барлық қажетті тергеу әрекеттері жүргізіліп жатыр.
