https://sputnik.kz/20260709/nur-muqasan-tobynyn-eks-anshisi-men--zhana-anshisi-arasyndagy-daudy-sot-qarap-zhatyr-64784755.html
"Нұр-Мұқасан"әншілері арасындағы жанжал: Мұқасан Шахзадаев сотта өз уәжін айтты
"Нұр-Мұқасан"әншілері арасындағы жанжал: Мұқасан Шахзадаев сотта өз уәжін айтты
Sputnik Қазақстан
Жәбірленуші Ғалымжан Сүлеймен істі қайта тергеуге жіберіп, Мұқасан Шахзадаевты куәгер емес, сотталушы деп танып, оны жауапқа тартуды сұрады 09.07.2026, Sputnik Қазақстан
2026-07-09T13:46+0500
2026-07-09T13:46+0500
2026-07-09T15:59+0500
әнші
сот
жанжал
https://sputnik.kz/img/07e7/05/0b/34754479_0:0:1920:1080_1920x0_80_0_0_7ae716dbc5299039968abe641aefdb9a.jpg
АЛМАТЫ, 9 маусым - Sputnik. "Нұр-Мұқасан" тобының экс-әншісі Мұқасан Шахзадаев пен топтың жаңа орындаушысы Ғалымжан Сүлейменнің арасындағы дау сотта қаралып жатыр. Екі тараптың уәжін Sputnik Қазақстан тілшісі тыңдап қайтты.Қылмыстық іс Наурызбай аудандық сотында қаралып жатыр. Судья - Бейнегүл Қайсина. Қоғамда резонанс тудырған бұл қылмыстық істе Мұқасан Шахзадаев - куәгер, ал оның әкімшісі Азамат Есеркенов - сотталушы.Кешірмеймін...Қан-жоса етіп соққыға жықты деп шағымданған Ғалымжан Сүлеймен сотта қарсы тарапты кешірмейтінін айтты. Ғалымжан Сүлейменнің айтуынша, Мұқасан Шахзадаев балағаттап телефон соққан. Араға үш күн салып, ол Мұқасанның үйіне барады. Сол жерде даулы істің тігісін жатқызып, бірігіп өнерді дамытуды талқыламақ болады. Екеуара әңгіме таңға созылып, Сүлеймен Мұқасанның үйінде түнеп қалады.Ертесі үйге Мұқасан Шахзадаевтың әкімшісі Азамат Есеркенов келген."Ол тағы бір шиша арақ алып келді. Жанжал Есеркеновтің Мұқасан екеуіміздің арамызға от салуынан басталды. Ол Мұқасанға "неменеге отырсың бұнымен, Нұрлан екеуі сатқын" деумен болды", - дейді Сүлеймен. Үшеуі жабылып ұрдыҮшінші болып Мұқасанның үйіне сыныптасы Бақытжан Қойсоймасов келеді. Жәбірленушінің айтуынша, алдымен Шахзадаев, Есеркенов және Қойсоймасов үшеуі бірігіп сөзбен тиіскен.Мұқасан Шахзадаев Ғалымжан Сүлейменнің баласының кіндік әкесі екен."Аға, бауыр болып жүрген адамнан мұндай күткен жоқпын. Ең болмаса "інім, ағаттық кетті" десе кешірер ем. Бірде-бір сөз жоқ, не істейсің дегендей үнсіз. Мұқасан Шахзадаевпен 24/7 бірге жүрген адаммын", - дейді Сүлеймен. Төбелестен Сүлейменнің мұрны мен бас бармағы сынып, қан-жоса болған. Оның көмекшісі оқиға орнына полиция шақырады. Жәбірленуші іс қайта тергеуге жіберіліп, Мұқасан Шахзадаев та жауапқа тартылсын деп отыр.Мұқасан Шахзадаев неге ренжідіСотта Мұқасан Шахзадаев өзін бейнекамераға түсіруге қарсы болды. Оның айтуынша, жанжалды бастаған Ғалымжан Сүлеймен. Сондай-ақ ол әнін рұқсатсыз орындағаны үшін ренжігенін айтты. Қылмыстық іс "Денсаулыққа қасақана ауырлығы орташа зиян келтiру" бабы бойынша қаралып жатыр. Еске сала кетейік, былтыр қарашада "Нұр-Мұқасан" тобының экс-әншісі Мұқасан Шахзадаев Ғалымжан Сүлейменді ұрды деген ақпарат тарап, басы дауға қалған еді. Жәбірленушінің көгерген беті әлеуметтік желіде тарап кетті.
https://sputnik.kz/20251124/muqasan-shakhzadaev-nur-muqasannyn-zhana-anshisin-uryp-tastady-59078940.html
Sputnik Қазақстан
media@sputniknews.com
+74956456601
MIA „Rossiya Segodnya“
2026
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
әнші, сот, жанжал
"Нұр-Мұқасан"әншілері арасындағы жанжал: Мұқасан Шахзадаев сотта өз уәжін айтты
13:46 09.07.2026 (жаңартылды: 15:59 09.07.2026) Жәбірленуші Ғалымжан Сүлеймен істі қайта тергеуге жіберіп, Мұқасан Шахзадаевты куәгер емес, сотталушы деп танып, оны жауапқа тартуды сұрады
АЛМАТЫ, 9 маусым - Sputnik. "Нұр-Мұқасан" тобының экс-әншісі Мұқасан Шахзадаев пен топтың жаңа орындаушысы Ғалымжан Сүлейменнің арасындағы дау сотта қаралып жатыр. Екі тараптың уәжін
Sputnik Қазақстан тілшісі тыңдап қайтты.
Қылмыстық іс Наурызбай аудандық сотында қаралып жатыр. Судья - Бейнегүл Қайсина. Қоғамда резонанс тудырған бұл қылмыстық істе Мұқасан Шахзадаев - куәгер, ал оның әкімшісі Азамат Есеркенов - сотталушы.
Қан-жоса етіп соққыға жықты деп шағымданған Ғалымжан Сүлеймен сотта қарсы тарапты кешірмейтінін айтты.
"Кешірмейміз. Сотталушының әрекетінде қылмыстық құрам бар. Сот медициналық сараптама қорытындысы бар. Сол себепті татуласпаймыз", - деді Сүлейменнің адвокаты.
Ғалымжан Сүлейменнің айтуынша, Мұқасан Шахзадаев балағаттап телефон соққан. Араға үш күн салып, ол Мұқасанның үйіне барады. Сол жерде даулы істің тігісін жатқызып, бірігіп өнерді дамытуды талқыламақ болады. Екеуара әңгіме таңға созылып, Сүлеймен Мұқасанның үйінде түнеп қалады.
Ертесі үйге Мұқасан Шахзадаевтың әкімшісі Азамат Есеркенов келген.
"Ол тағы бір шиша арақ алып келді. Жанжал Есеркеновтің Мұқасан екеуіміздің арамызға от салуынан басталды. Ол Мұқасанға "неменеге отырсың бұнымен, Нұрлан екеуі сатқын" деумен болды", - дейді Сүлеймен.
Үшінші болып Мұқасанның үйіне сыныптасы Бақытжан Қойсоймасов келеді. Жәбірленушінің айтуынша, алдымен Шахзадаев, Есеркенов және Қойсоймасов үшеуі бірігіп сөзбен тиіскен.
"Олардың мені не үшін ұрғанын білмеймін, білсем айтар едім. Бірінші болып арт жағымнан келіп Мұқасан аға ұрды. "Аға, не болды?" дегенімше Есіркенов келіп, қосылып ұра бастады. Қойсоймасов ажыратқандай болып жүр еді, бірақ ол да жабылып ұрды мені", - дейді жәбірленуші Сүлеймен.
Мұқасан Шахзадаев Ғалымжан Сүлейменнің баласының кіндік әкесі екен.
"Аға, бауыр болып жүрген адамнан мұндай күткен жоқпын. Ең болмаса "інім, ағаттық кетті" десе кешірер ем. Бірде-бір сөз жоқ, не істейсің дегендей үнсіз. Мұқасан Шахзадаевпен 24/7 бірге жүрген адаммын", - дейді Сүлеймен.
Төбелестен Сүлейменнің мұрны мен бас бармағы сынып, қан-жоса болған. Оның көмекшісі оқиға орнына полиция шақырады.
Жәбірленуші іс қайта тергеуге жіберіліп, Мұқасан Шахзадаев та жауапқа тартылсын деп отыр.
"Есіркеновке ғана емес, жалпы әділ жаза сұраймын. Тергеп-тексеруге қайта жіберіңіздер, үш адам ұрып, бір адам ғана жауапқа тартылғаны дұрыс емес", - деді ол.
Мұқасан Шахзадаев неге ренжіді
Сотта Мұқасан Шахзадаев өзін бейнекамераға түсіруге қарсы болды. Оның айтуынша, жанжалды бастаған Ғалымжан Сүлеймен.
Сондай-ақ ол әнін рұқсатсыз орындағаны үшін ренжігенін айтты.
"Нұрлан мен Ғалымжан әнді бірге айтатыны туралы айтпады. Бұл әндердің шығу тарихы - менің еңбегім. Нұр-Мұқасан дуэті 27 жыл өмір сүрді. Осы жылдар ішінде Нұрлан ешбір ән алып келген жоқ. Ұрыспайық, таласпайық, менің әндеріме тиіспе дедім", - дейді Мұқасан Шахзадаев.
Қылмыстық іс "Денсаулыққа қасақана ауырлығы орташа зиян келтiру" бабы бойынша қаралып жатыр.
Еске сала кетейік, былтыр қарашада "Нұр-Мұқасан" тобының экс-әншісі Мұқасан Шахзадаев Ғалымжан Сүлейменді ұрды деген ақпарат тарап, басы дауға қалған еді. Жәбірленушінің көгерген беті әлеуметтік желіде тарап кетті.
