Қазақстан ИКАО-мен авиациялық оқиғаларды тергеу саласындағы ынтымақтастықты күшейтпек
© AP Photo / Акимат Мангистауской области
Жазылу
Тараптар оқиғаларды тергеу жүйесін дамыту туралы келісімге қол қойды
АСТАНА, 8 шілде - Sputnik. Қазақстан авиациялық оқиғалар мен инциденттерді тергеу саласында ИКАО-мен ынтымақтастықты нығайтып жатыр, деп хабарлайды Көлік министрлігі.
Канаданың Монреаль қаласында қазақстандық делегацияның Халықаралық азаматтық авиация ұйымы ИКАО Бас хатшысының міндетін атқарушы, ИКАО әуе көлігі бюросының директоры Мұхамед Рахмамен кездесуі өтті.
Канаданың Монреаль қаласында қазақстандық делегацияның Халықаралық азаматтық авиация ұйымы ИКАО Бас хатшысының міндетін атқарушы, ИКАО әуе көлігі бюросының директоры Мұхамед Рахмамен кездесуі өтті.
Кездесу барысында қазақстандық делегация жаңадан құрылған Орталықтың қызметі мен алдағы даму жоспарларын таныстырды.
"Орталық – ТМД мемлекеттері арасында ИКАО-ның халықаралық стандарттары мен ұсынылатын практикасына сәйкес авиациялық оқиғалар мен инциденттерді тергеп-тексеру үшін құрылған алғашқы мамандандырылған органдардың бірі, - дейді министрлік.
Кездесу қорытындысы бойынша Орталық пен ИКАО арасында Қазақстандағы авиациялық оқиғалар мен инциденттерді тергеп-тексеру жөніндегі жаңа органның институционалдық әлеуетін нығайтуға бағытталған келісімге қол қойылды.
"Келісім тергеу органының техникалық әлеуетін арттыруға бағытталған кешенді іс-шараларды іске асырады. Жоба аясында ИКАО-ның білікті сарапшылары Орталықтың қолданыстағы мүмкіндіктеріне бағалау жүргізіп, тергеушілерді даярлау қажеттіліктеріне талдау жасайды және зертхананы заманауи жабдықтармен әрі техникалық ресурстармен қамтамасыз ету бойынша ұсынымдар әзірлейді", - делінген хабарламада.
Орталықтың ИКАО-мен бірлескен жұмысы ұшу қауіпсіздігі деңгейін арттыруға, тергеп-тексерудің заманауи әдістері мен технологияларын енгізуге, материалдық-техникалық базаны нығайтуға және халықаралық авиациялық қоғамдастықпен ынтымақтастықты кеңейтуге ықпал етеді.
