Бірінші сыныпқа құжат кезекпен қабылданады - кестесі жарияланды
15:59 21.05.2026 (жаңартылды: 16:12 21.05.2026)
© Photo : Министерство просвещения Казахстана
Жазылу
Құжат қабылдау 27 мамыр мен 31 тамыз аралығында жүргізіледі
АСТАНА, 21 мамыр – Sputnik. Оқу-ағарту министрлігі бірінші сыныпқа құжат қабылдау кестесін бекітті, деп хабарлайды Sputnik Қазақстан.
Құжат қабылдау 27 мамыр мен 31 тамыз аралығында жүргізіледі.
Өңірлер бойынша қабылдау мерзімдері:
27 мамыр – 31 тамыз: Астана қаласы, Абай, Жетісу, Қызылорда және Батыс Қазақстан облыстары;
10 маусым – 31 тамыз: Алматы қаласы, Ақмола, Ақтөбе, Жамбыл және Шығыс Қазақстан облыстары.
18 маусым – 31 тамыз: Шымкент қаласы, Алматы, Қостанай, Павлодар және Атырау облыстары;
29 маусым – 31 тамыз: Түркістан, Маңғыстау, Қарағанды, Солтүстік Қазақстан облыстары және Ұлытау облысы.
"Құжаттарды электрондық үкімет порталында тіркелу арқылы OQU платформасы арқылы онлайн форматта, сондай-ақ білім беру ұйымдарына тікелей жүгіну арқылы тапсыруға болады", - дейді министрлік мамандары.
