Қазақстанда тұратын ер адамдар саны қанша - статистика

© Sputnik/Ертай СарбасовВ Алматы в День защитника Отечества военные почтили память героев Великой Отечественной войны
В Алматы в День защитника Отечества военные почтили память героев Великой Отечественной войны - Sputnik Қазақстан, 1920, 07.05.2026
Жазылу
Ер адамдардың орташа жасы 31,1 жасты құрап отыр, ал олардың күтілетін өмір сүру ұзақтығы - 72,19 жыл
АСТАНА, 7 мамыр – Sputnik. Ұлттық статистика бюросы Қазақстанда тұратын ер адамдар саны қанша екенін хабарлады.
"10 044 673 - дәл осынша ер азамат Отан қорғаушылар күніне орай құттықтаулар қабылдайтын болады", - деп жазылған хабарламада.
Елдегі ер адамдардың жас топтары бойынша үлесі мынандай:
0-15 жас - 30,2%
16-60 жас - 56,5%
61 жас және одан жоғары - 13,3%
Ерлер ең көп шоғырланған өңірлер:
Алматы қаласы - 1,1 млн
Түркістан облысы - 1,1 млн
Алматы облысы - 806,5 мың
Астана қаласы - 785,4 мың
Статистикаға сәйкес, ер адамдардың орташа жасы 31,1 жасты құрап отыр. Ал олардың күтілетін өмір сүру ұзақтығы - 72,19 жыл.
Жалпы 2025 жыл бойынша жұмыспен қамтылған халық арасындағы ерлердің үлесі - 51,6% (4,8 млн ер адам). Сонымен қатар жалдамалы жұмысшылар арасындағы үлес - 50,6% болса, өз бетінше жұмыспен қамтылғандар арасындағы үлес - 55,1%.
Салалар бойынша жұмыспен қамтылған ер адамдардың үлесі:
Өнеркәсіп - 16,5%
Көтерме сауда - 14%
Ауыл шаруашылығы - 12,4%
Көлік және қойма - 11,1%
Жеке кәсіпкерлер арасындағы ерлердің үлесі - 54,7%
Ең көп жұмыспен қамтылған ер адамдардың жасы 35-44 жас аралығында және бұл жалпы 1,4 млн адамды құрайды.
Ардагер - Sputnik Қазақстан, 1920, 13.02.2026
Қазақстанда 76 мыңнан астам ардагер бар
Жаңалықтар
0