https://sputnik.kz/20260430/zhetisuda-qazaqy-it-tuqymdaryna-arnalgan-ulttyq-ortalyq-ashylady-63102236.html
Жетісуда қазақы ит тұқымдарына арналған ұлттық орталық ашылады
Жетісуда қазақы ит тұқымдарына арналған ұлттық орталық ашылады
Sputnik Қазақстан
АСТАНА, 30 сәуір – Sputnik. Мемлекет басшысы Қасым-Жомарт Тоқаев Халықаралық кинология федерациясының президенті Тамаш Яккельді қабылдады, деп хабарлады... 30.04.2026, Sputnik Қазақстан
2026-04-30T16:48+0500
2026-04-30T16:48+0500
2026-04-30T16:48+0500
қазақтың тазысы
https://sputnik.kz/img/07e9/08/0c/56311264_0:67:1280:787_1920x0_80_0_0_3d29bd6ff37b119998d0fb8dbeea250c.jpg
АСТАНА, 30 сәуір – Sputnik. Мемлекет басшысы Қасым-Жомарт Тоқаев Халықаралық кинология федерациясының президенті Тамаш Яккельді қабылдады, деп хабарлады Ақорда.Кездесуде қазақы ит тұқымдарын сақтау және тұрақты генетикалық қорын қалыптастыру ісінде халықаралық федерациямен ынтымақтастық перспективасы талқыланды.Мемлекет басшысының айтуынша, тазы және төбет тұқымдарын сақтау тек кинология тұрғысынан емес, сондай-ақ дәстүрлі тұрмыс салтымен тығыз байланысты тарихи-мәдени құндылық ретінде айрықша маңызға ие. Ит – қазақ халқының дүниетанымында жеті қазынаның бірі саналады.Жүйелі жұмыс нәтижесінде бүгінде Қазақстан кинологтар одағының Бірыңғай асыл тұқымды иттер кітабында 4 мыңға жуық тазы тіркелген. Тиісті заңнамалық актілер қабылданды.Өз кезегінде Тамаш Яккель қазақы ит тұқымдарын сақтауға айрықша қамқорлық көрсетіп отырған мемлекет басшысына ризашылығын білдірді.Сонымен қатар президентке әлемнің 100 елін біріктіретін FCI қызметі туралы мәлімет берді.Кездесу соңында мемлекет басшысы Қасым-Жомарт Тоқаев еліміздегі кинология саласын дамытуға қосқан үлесі үшін Халықаралық кинология федерациясының президенті Тамаш Яккельді II дәрежелі "Достық" орденімен марапаттады.
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қазақтың тазысы
АСТАНА, 30 сәуір – Sputnik. Мемлекет басшысы Қасым-Жомарт Тоқаев Халықаралық кинология федерациясының президенті Тамаш Яккельді қабылдады, деп хабарлады Ақорда.
Кездесуде қазақы ит тұқымдарын сақтау және тұрақты генетикалық қорын қалыптастыру ісінде халықаралық федерациямен ынтымақтастық перспективасы талқыланды.
"Қасым-Жомарт Тоқаев қазақ тазысын алдын ала тануға оң септігін тигізгені үшін Тамаш Яккельге алғыс айтты. Бұл шешім 2024 жылы Амстердамда өткен Халықаралық кинология федерациясы (FCI) Бас комитетінің отырысында қабылданған еді", - деп жазылған хабарламада.
Мемлекет басшысының айтуынша, тазы және төбет тұқымдарын сақтау тек кинология тұрғысынан емес, сондай-ақ дәстүрлі тұрмыс салтымен тығыз байланысты тарихи-мәдени құндылық ретінде айрықша маңызға ие. Ит – қазақ халқының дүниетанымында жеті қазынаның бірі саналады.
Жүйелі жұмыс нәтижесінде бүгінде Қазақстан кинологтар одағының Бірыңғай асыл тұқымды иттер кітабында 4 мыңға жуық тазы тіркелген. Тиісті заңнамалық актілер қабылданды.
"Бұдан бөлек, көп ұзамай Жетісу облысында сұрыптау жұмыстарымен айналысатын және ит асыраушыларға ғылыми-кинологиялық қолдау көрсететін ұлттық орталық ашылмақ. Халқымыздың асыл қазынасын дәріптеу мақсатында биылдан бастап 3 қыркүйекте Қазақы тазы мен төбет күні аталып өтеді", - делінген хабарламада.
Өз кезегінде Тамаш Яккель қазақы ит тұқымдарын сақтауға айрықша қамқорлық көрсетіп отырған мемлекет басшысына ризашылығын білдірді.
Сонымен қатар президентке әлемнің 100 елін біріктіретін FCI қызметі туралы мәлімет берді.
Кездесу соңында мемлекет басшысы Қасым-Жомарт Тоқаев еліміздегі кинология саласын дамытуға қосқан үлесі үшін Халықаралық кинология федерациясының президенті Тамаш Яккельді II дәрежелі "Достық" орденімен марапаттады.
