https://sputnik.kz/20260408/mazhiliste-200-myn-tenge-alatyn-mamandardyn-maselesi-koterildi-62501543.html
Мәжілісте 200 мың теңге алатын мамандардың мәселесі көтерілді
Мәжілісте 200 мың теңге алатын мамандардың мәселесі көтерілді
Sputnik Қазақстан
Қаладағы мәдениет үйі қызметкерлерінің жалақысы тіптен аз 08.04.2026, Sputnik Қазақстан
2026-04-08T15:36+0500
2026-04-08T15:36+0500
2026-04-08T16:03+0500
мәжіліс
жалақы
жұмысшы
https://sputnik.kz/img/07e9/0c/18/59881438_0:114:1078:720_1920x0_80_0_0_65ea05a968103ae1dacbcd2e2d32a00d.jpg
АСТАНА, 8 сәуір – Sputnik. Депутат Нартай Сәрсенғалиев мәдениет қызметкерлерінің жалақы мәселесін шешуді талап етті, деп хабарлайды Sputnik Қазақстан тілшісі.Бүгінде ауыл мен ауданда ұлт руханияты үшін өлшеусіз үлес қосып жүрген жандардың айлығы шайлығына жетпейді."Маған жеткен мың мысалдың біреуін тілге тиек етейін. Мәдениет үйінде 20 жыл еңбек еткен адамның 200 мың теңге көлемінде айлық алғанда ашынғаннан ащы даусы шыққаны заңдылық емес пе?! Сыйақы мен үстемақы атаулыдан қағылып қалады көбісі. Мұндай мысал мың", - деді Сәрсенғалиев мәжілістің бүгінгі отырысында.Оның айтуынша, консерватория мен өнер академиясын тәмамдағандардың ауылға бармайтын себебі сол."Қазір кей ауылдағы мәдениет үйлерінде өзі ұйымдастырушы, өзі режиссер, өзі сценарист, өзі жүргізуші, өзі көркемдік жетекші болып жүрген жандар да бар екен. Өкінішті-ақ. Табысқа тәуелді тағы бір түйткіл, ауылдық мәдениет үйлеріндегі директорларға жұмыс өтілі де, санаты да саналмайды. Салдарынан олар қатардағы қызметкерлерден аз айлық алады. Бұл да түйіні тарқамаған түйткіл", - деді депутат.Ал қаладағы мәдениет үйі қызметкерлерінің жалақысы тіптен аз. Себебі оларға ауылға берілетін 25 проценттік үстеме қосылмайды екен. Осыған байланысты Сәрсенғалиев үкіметке депутаттық сауалмен бірге бірнеше ұсынысын жолдады. Олар:
https://sputnik.kz/20260114/mazhilis-pen-senattyn-birlesken-komissiyasyna-kiretin-deputattar-anyqtaldy-60378624.html
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
мәжіліс, жалақы, жұмысшы
Мәжілісте 200 мың теңге алатын мамандардың мәселесі көтерілді
15:36 08.04.2026 (жаңартылды: 16:03 08.04.2026) Қаладағы мәдениет үйі қызметкерлерінің жалақысы тіптен аз
АСТАНА, 8 сәуір – Sputnik. Депутат Нартай Сәрсенғалиев мәдениет қызметкерлерінің жалақы мәселесін шешуді талап етті, деп хабарлайды
Sputnik Қазақстан тілшісі.
Бүгінде ауыл мен ауданда ұлт руханияты үшін өлшеусіз үлес қосып жүрген жандардың айлығы шайлығына жетпейді.
"Маған жеткен мың мысалдың біреуін тілге тиек етейін. Мәдениет үйінде 20 жыл еңбек еткен адамның 200 мың теңге көлемінде айлық алғанда ашынғаннан ащы даусы шыққаны заңдылық емес пе?! Сыйақы мен үстемақы атаулыдан қағылып қалады көбісі. Мұндай мысал мың", - деді Сәрсенғалиев мәжілістің бүгінгі отырысында.
Оның айтуынша, консерватория мен өнер академиясын тәмамдағандардың ауылға бармайтын себебі сол.
"Қазір кей ауылдағы мәдениет үйлерінде өзі ұйымдастырушы, өзі режиссер, өзі сценарист, өзі жүргізуші, өзі көркемдік жетекші болып жүрген жандар да бар екен. Өкінішті-ақ. Табысқа тәуелді тағы бір түйткіл, ауылдық мәдениет үйлеріндегі директорларға жұмыс өтілі де, санаты да саналмайды. Салдарынан олар қатардағы қызметкерлерден аз айлық алады. Бұл да түйіні тарқамаған түйткіл", - деді депутат.
Ал қаладағы мәдениет үйі қызметкерлерінің жалақысы тіптен аз. Себебі оларға ауылға берілетін 25 проценттік үстеме қосылмайды екен. Осыған байланысты Сәрсенғалиев үкіметке депутаттық сауалмен бірге бірнеше ұсынысын жолдады. Олар:
1.
Ауылдық және аудандық мәдениет ұйымдарына күрделі жөндеу жасап, материалдық базасын жаңарту;
2.
Мәдениет саласы қызметкерлеріне мереке және демалыс күндері атқарған жұмысы үшін заңнамаға сәйкес қосымша ақы төлеуді қатаң бақылап, жұмыс уақыты мен еңбек жүктемесін нақты регламенттеу;
3.
Мәдениет саласындағы мамандарды қолдау мақсатында олардың көтермеақы, санитарлық-курорттық демалыс, тұрғын үй секілді әлеуметтік пакетке қол жеткуі үшін жұмыс өтілі, белсенділігі, жетістігі ескерілетін нақты критерийлер енгізу;
4.
Мәдениет саласы қызметкерлерінің қоғам дамуындағы айрықша еңбегін ескеріп олардың табысын тұрақты түрде арттыру.
