Жаңа салық кодексі: 10 күнде 60 мыңнан астам жеке тұлға кәсібін заңдастырды
© Sputnik / Абзал Калиев
Жазылу
Бұған дейін бұл азаматтар жеке кәсіпкерлікті тіркеусіз қызмет атқарған
АСТАНА, 10 қаңтар – Sputnik. Өзін-өзі жұмыспен қамтыған 66 мың жеке тұлға қызметтерін заңдастырды, деп хабарлайды мемлекеттік кірістер комитеті.
2026 жылғы қаңтардың алғашқы 10 күнінде жаңа салық кодексі шеңберінде 66 мың жеке тұлға өз қызметін заңдастырып, өзін-өзі жұмыспен қамтығандар мәртебесіне ие болды.
"Бұған дейін бұл азаматтар жеке кәсіпкерлікті тіркеусіз қызмет атқарған. Енді олар өзін-өзі жұмыспен қамтудың жаңа субъектілеріне айналды және заңды және қажетсіз әкімшілік рәсімдерсіз жұмыс істейді", - дейді комитетте.
Бұл өз бетінше жұмыс істейтін және жеке еңбегінен табыс табатын жеке тұлғалар үшін қарапайым және ыңғайлы салық режимі.
Режим кімге арналған:
жеке кәсіпкер ретінде тіркелмеген;
жалдамалы жұмысшыларды пайдаланбайды;
Қазақстан Республикасының Үкіметінің қаулысымен рұқсат етілген қызмет түрлерімен айналысады (2025 жылғы 21 қарашадағы № 994 қаулы);
айына 300 АЕК-тен аспайтын табыс алады (2026 жылы – шамамен 1,3 млн теңге).
Режимнің негізгі артықшылықтары
Өзін-өзі жұмыспен қамтығандар үшін:
ЖК ретінде тіркелуге міндетті емес;
табыс салығын төлемейді (ЖТС мөлшерлемесі - 0%);
әлеуметтік төлемдерді табыстың 4% ғана төлейді, оның ішінде 1% - МЗЖ, 1% - ЖБМЗЖ, 1% - әлеуметтік аударымдар, 1% - МӘМС;
салық есептілігін тапсырудан босатылған;
"e-Salyq Business" мобильді қосымшасы арқылы жұмыс істейді, онда чектер қалыптастырылады (БКМ қолданусыз) және әлеуметтік төлемдер автоматты түрде есептеледі;
интернет-платформалар арқылы жұмыс істеген кезде чектер мен әлеуметтік төлемдер платформа операторы қалыптастырады, ұстайды және аударады.
Сондай-ақ режимді қолдану туралы хабарлама жіберудің қажеті жоқ. Режимнің басталу күні қосымшада бірінші чекті қалыптастыру сәті болып саналады.
