Солтүстік Қазақстан облысында ауыл тұрғыны фермерді атып өлтірді

© Photo : Unsplash / Paul EinerhandОхотничье ружье, иллюстративное фото
Охотничье ружье, иллюстративное фото   - Sputnik Қазақстан, 1920, 01.11.2025
Жазылу
АЛМАТЫ, 1 қараша - Sputnik. Солтүстік Қазақстан облысы Тимирязев ауданы Докучаево ауылында 22 жастағы тұрғын фермерді атып өлтірді, деп хабарлайды Sputnik Қазақстан.
Желіде тараған ақпарат бойынша қайғылы оқиға 31 қазанда түнгі сағат он шамасында болған. 22 жастағы тұрғын ішімдік ішкені күйі "БурБат" ЖШС директорына келіп, жалақы бойынша қарызды беруді сұраған. Директор жұмысшының бұл әрекетіне ашу шақырып, оқтаулы мылтығымен үйден шыққан. Ойы жұмысшыны қорқыту болған. Алайда жігіт мылтықты тартып алып, басшысына оқ атады. Ер адам алған жарақаттарынан сол жерде көз жұмды.
Полиция департаментінің баспасөз қызметі Sputnik Қазақстан тілшісіне қайғылы оқиғаның болғанын растады.
"22 жастағы күдікті ұсталды. Тимирязев ауданы Докучаево ауылының 52 жастағы тұрғынының өлімі бойынша сотқа дейінгі тергеу жүргізілуде. Болған оқиғаның барлық жағдайы анықталады", - дейді полиция департаменті.
Пышақ - Sputnik Қазақстан, 1920, 30.10.2025
Алматыда анасын өлтірді деген күдікпен ұлы ұсталды
Жаңалықтар
0