https://sputnik.kz/20250904/almaty-oblysynda-200-ge-zhuyq-oqushy-zhana-oqu-zhylyn-zhataqkhanada-bastady-56817837.html

Алматы облысында 200-ге жуық оқушы жаңа оқу жылын жатақханада бастады

Алматы облысында 200-ге жуық оқушы жаңа оқу жылын жатақханада бастады

Sputnik Қазақстан

Әу баста жатақхана ретінде тұрғызылған нысанның іргесі 1933 жылы қаланған 04.09.2025, Sputnik Қазақстан

2025-09-04T16:53+0500

2025-09-04T16:53+0500

2025-09-04T16:53+0500

алматы облысы

мектеп

жатақхана

https://sputnik.kz/img/07e9/09/04/56822181_0:120:1280:840_1920x0_80_0_0_133c4340a0c5d12ad9a6a58f3503525a.jpg

АЛМАТЫ, 4 тамыз – Sputnik. Алматы облысы Еңбекшіқазақ ауданы Сарыбұлақ ауылының оқушылары жаңа оқу жылын тағы да жатақханада бастады, деп хабарлайды ауылға арнайы барған Sputnik Қазақстан тілшісі.23 жасында мектепке келген ұстаз Мұрат Беков зейнеткерлікке шықты. Ұстаз да қартайған, мектептің де қабырғасы қақыраған. Бірақ бір ғасырға жуық тарихы бар қазіргі мектеп, бұрыңғы жатақхана әлі қолданыста.Ата болған Мұрат аға немересі жаңа мектепте оқыса деп армандайды.Сарыбұлақта былтыр 200 оқушы оқыса, биыл 174 оқушы қалған. Көбі 9-сыныпты аяқтап, колледжге кеткен. Мектеп жайсыз болған соң жайлы мектеп жағалап кеткендер де бар.Әу баста жатақхана ретінде тұрғызылған бұл нысанның іргесі 1933 жылы қаланған.Білім ошағы ауыл тұрғындарының басын ауыртып, батырын сыздататын проблема. Жалпы бұл ауылда 1500-ге жуық адам мекен етеді. Табиғаты тұрмысқа жайлы, тірлігі де түзу, бірақ мектеп ескі.Мектепте спорт залы жоқ, болмаған да. Оқушы біткен аядай ғимараттың ескі кабинетінде шынығады.Ескі ғимарат отынды қанша жақсаң да жылуды ұстамайды. Мұғалім біткен жоқтан бар жасап, жамап-жасқаумен отыр.Ауылдық округ әкімі Нұрберген Қожамбердінің айтуынша, мектеп салынып қалуы мүмкін.Десе де бұл болжам ғана. Қысқасы Сарыбұлақтың балалары жаңа мектепті қанша күтері әзірге белгісіз.

алматы облысы

2025

Жаңалықтар

kk_KK

алматы облысы, мектеп, жатақхана