СҚО-да жұмыс берушілер азаматтардан жеке табыс салығын заңсыз ұстаған
© Sputnik / Абзал Калиев
Жазылу
АСТАНА, 28 маусым - Sputnik. Солтүстік Қазақстан облысының прокурорлары мүгедектігі бар тұлғалардың конституциялық құқықтарын қорғады, деп хабарлады бас прокуратура.
Қадағалау органы талдау барысында жеке табыс салығын негізсіз ұстаудан анықталған салық заңнамасын өрескел бұзуды анықтады.
"Мәселен, 2023-2024 жылдары Ақжар, Есіл, Ғ.Мүсірепов, Мамлют, Шал ақын, Тайынша аудандарының жұмыс берушілері мүгедектігі бар 366 жұмысшыдан жалпы сомасы 16,9 млн теңге жеке табыс салығын ұстап қалған. Салық кодексінің талаптарына сәйкес мұндай адамдар тобы төлеуден босатылған", - деп жазылған хабарламада.
Есіл ауданында білім бөлімінің лауазымды тұлғалары жалпы сомасы 1,7 млн теңгеге мүмкіндігі шектеулі балалардың 24 заңды өкілінен жеке табыс салығын негізсіз ұстаған.
Прокурорлық қадағалау актілері бойынша жоғарыда аталған тұлғаларға мемлекеттік кіріс органдары 6,2 млн теңгені қайтаруды қамтамасыз етіп, кінәлілерді заңда белгіленген жауапкершілікке тарту шараларын қабылдауда ұстап отыр.
Қалған соманы қайтару бойынша жұмыс жалғасып жатыр.
