Тоқаев пен Путин Байқоңырға барады

Ракеты Победы  - Sputnik Қазақстан, 1920, 30.05.2025
Жазылу
"Бәйтерек" жобасы бойынша "Союз-5" зымыранын ұшыру желтоқсан айына жоспарланған
АСТАНА, 30 мамыр – Sputnik. Тоқаев пен Путин Байқоңырға келеді, деді қала әкімшілігінің басшысы Константин Бусыгин.
Ол Sputnik-те өткен баспасөз мәслихатында "Бәйтерек" жобасы бойынша "Союз-5" зымыранын ұшыру желтоқсанға жоспарланғанын айтты.
"Президенттеріміз соңғы кездесуінен кейін "Байқоңыр" кешеніне алдын ала баруды, желтоқсандағы ұшырылымды тамашалауды ұйғарды, менің ойымша, бұл 25 желтоқсанға жоспарланып отыр", - деді Константин Бусыгин.
2025 жылдың 2 маусымында аты аңызға айналған Байқоңыр ғарыш айлағы өзінің 70 жылдығын атап өтеді. Түрлі мерекелік іс-шаралар жоспарланған.
Байқоңыр – әлемдегі жетекші ғарыш айлағының бірі, ол ғарыш аппараттарын, орбиталық станцияларды және автоматты планетааралық станцияларды дайындаумен және ұшырумен айналысады. Қызылорда облысындағы Қазалы қаласы мен Жусалы ауылының аралығында, Төратам ауылының маңында орналасқан.
"Байқоңыр" ғарыш айлағын Ресей Қазақстаннан 2050 жылға дейін жалға алған.
Жаңалықтар
0