https://sputnik.kz/20250423/oralda-kezdesuge-bargan-zhigitti-qyzdyn-agalary-kutip-aldy-52777253.html

Оралда кездесуге барған жігітті қыздың үш "ағасы" күтіп алды

Оралда кездесуге барған жігітті қыздың үш "ағасы" күтіп алды

Sputnik Қазақстан

Пәтерге үш белгісіз жігіт баса-көктеп кіріп, жәбірленушіні қорқытып ақша талап еткен 23.04.2025, Sputnik Қазақстан

2025-04-23T16:32+0500

2025-04-23T16:32+0500

2025-04-23T16:34+0500

орал

бопсалау

https://sputnik.kz/img/422/45/4224574_0:67:1280:787_1920x0_80_0_0_37aa2d3869865189c4b556b912cf67ce.jpg

АСТАНА, 23 сәуір – Sputnik. Оралда бопсалаумен айналысқан күдіктілер ұсталды, деп хабарлайды Polisia.kz.Батыс Қазақстан облысы полиция департаментінің ұйымдасқан қылмыспен күрес басқармасы жергілікті тұрғыннан ақша бопсалады деген күдікпен жастарды ұстады.Алдын ала мәліметтерге сәйкес, жәбірленуші әлеуметтік желіде танысуға арналған арна арқылы бір қызбен сөйлескен. Хат алмасу кезінде қыз оны өз үйіне кездесуге шақырған. Алайда көрсетілген мекенжайға келген кезде пәтерге үш белгісіз жігіт баса-көктеп кіріп, жәбірленушіні сыртқа шығарып, өздерін қыздың ағасы ретінде таныстырып, қорқытып ақша талап еткен.Қорыққан жәбірленуші телефонын күдіктілердің біріне берген, ол банк қосымшасы арқылы өзінің банк шотына ақша аударып алған.Жедел-іздестіру шаралары барысында барлық қатысушы анықталып, ұсталды. Қазіргі таңда бопсалау фактісі бойынша қылмыстық іс қозғалды. Бес күдіктінің төртеуі — Орал қаласындағы колледж студенті, олардың бірі — сол кездесуге шақырған қыз.Полиция тергеу жұмыстарын жалғастыруда.

орал

2025

Жаңалықтар

kk_KK

орал, бопсалау