https://sputnik.kz/20250418/qaragandylyq-askeri-qyzmetshi-zhenistin-80-zhyldygyna-oray-80-shaqyrymga-zhugirdi-52595293.html

Қарағандылық әскери қызметші Жеңістің 80 жылдығына орай 80 шақырымға жүгірді

Қарағандылық әскери қызметші Жеңістің 80 жылдығына орай 80 шақырымға жүгірді

Sputnik Қазақстан

Қорғаныс министрлігінің әскери қызметшісі 80 шақырымдық марафонды ардагерлерге арнады 18.04.2025, Sputnik Қазақстан

2025-04-18T09:26+0500

2025-04-18T09:26+0500

2025-04-18T09:28+0500

жеңістің 80 жылдығы

https://sputnik.kz/img/07e9/04/12/52592907_31:113:919:613_1920x0_80_0_0_91d0a1c65d00b39d2787c1a807501738.jpg

АСТАНА, 18 сәуір – Sputnik. Қарағандылық әскери қызметші Тимур Ержанов Жеңістің 80 жылдығына орай 80 шақырымға жүгірді.Ол бұл марафонды майданда қаза тапқан батырлар мен бүгінде көзі тірі ардагерлерге арнап отыр. Спортшы жүгіруді Қарағанды облысы Бұқар Жырау ауданы Шешенқара кентінде бастап, өз әскери бөлімінде аяқтады.Тимурды бөлім қолбасшылығы, әріптестері құрметпен қарсы алды."Осы қашықтықты жүгіру арқылы жігерлі мінезіңізді, жауынгерлік рух пен төзімділігіңізді көрсеттіңіз. Біздің қатарымызда Сіз сияқты сарбаздарға үлгі болатын нағыз патриоттар бар екенін мақтан тұтамыз", – деп атап өтті 31775 әскери бөлімінің командирі подполковник Марат Бралинов.7 сағат 21 минут 11 секундқа созылған жүгіріс кезінде әр 10 шақырым сайын ауысып отырған әріптестері марафоншымен бірге жүгірді. Әйтсе де Тимур Ержанов негізгі қашықтықты жалғыз жүгіріп өтті."Мен жүгірумен көптен айналысамын. Марафондарға да жиі қатысып тұрамын. Биыл Жеңістің 80 жылдығына орай символдық қашықтықты жүгіруге бел будым. Сол арқылы майданда қаза тапқандар мен ардагерлерге құрмет көрсеткім келді. Бөлім басшылығына қолдауы үшін командаға рахмет айтамын", – деді Ержанов.Марафоншыны қолдауға оның туыстары да келді. Тимур жұбайы Жанармен бірге Айару, Амина және Рассул есімді үш бала тәрбиелеп отыр.

2025

Жаңалықтар

kk_KK