Жетісу облысында бір топ қыз бопсалаумен айналысқан

© Sputnik / Anar MustafayevҚолкісен
Қолкісен - Sputnik Қазақстан, 1920, 18.03.2025
Жазылу
Күдіктілердің қысымынан сескенген ер адам екі рет 50 мың теңгеден беріп үлгерген
АСТАНА, 18 наурыз - Sputnik. Жетісуда бопсалаумен айналысқан қыздар тобы ұсталды, деп хабарлайды Polisia.kz.
Ер адамды қорқытып, 800 теңге сұраған күдікті үш қыз ұсталды.
"Б. есімді азамат "Друг Вокруг" мобильді қосымшасы арқылы бір қызбен танысқан. Хат алмасу барысында қыз ер адамды өз үйіне қонаққа шақырған. Алайда ол көрсетілген мекенжайға келгенде, пәтерде тағы екі бейтаныс қыз болған", - дейді ведомстводағылар.
Біраз уақыттан кейін қыздардың бірі оған басқа бөлмеге барып оңашалану туралы ұсыныс жасаған.
"Ер адам мен қыздардың бірі бөлмеге кіріп, шешіне бастаған кезде, кенеттен екі қыз ішке баса-көктеп кіріп, айқайлап, оны кәмелетке толмаған қызды зорламақ болды деп айыптаған. Алаяқтар ер адамға екі таңдау жасатқан: оларға 800 мың теңге береді немесе олар полицияға арыз жазады", - дейді полициядағылар.
Күдіктілер ер адамнан кепілдік ретінде оның жеке куәлігін, техникалық паспортын және жүргізуші куәлігін алып, толық соманы алғаннан кейін құжаттарын қайтаратынын айтқан.
Күдіктілердің қысымынан сескенген ер адам екі рет 50 мың теңгеден беріп үлгерген. Алайда 30 мың теңгені беру кезінде күдікті қыздарды полиция қолға түсірді. Қазіргі таңда тергеу жүріп жатыр.
Қаржы пирамидасы, иллюстрация - Sputnik Қазақстан, 1920, 18.03.2025
Салымшылардың ақшасына 10 автокөлік сатып алған күдіктілер ұсталды
Жаңалықтар
0