Түрлі-түсті, қышқыл, қасиетті: әлемдегі таңғажайып өзендер – фото

Колумбияда ағып жатқан Каньо-Кристалес әлемдегі ең әдемі және таңғажайып өзен атағына ие. Бұл табиғаттағы түрлі-түсті өзен! Ол бес түрлі түске енеді және "Бес түсті өзен" немесе "Сұйық кемпірқосақ" деген атаумен танымал.

Ніл өзені - әлемдегі ең әйгілі өзен. 2007 жылға дейін ол біздің планетамыздың ең ұзын өзені атағын алды. Оның ұзындығы - 6650 шақырым.

Колорадо (АҚШ) - тамаша симметриялы жиегі бар таға тәрізді иілген пішінімен танымал.

Амазонка ұзындығы, аумағы және суының көптігімен Жердегі ірі өзендердің бірі саналады.

Вердзаска (Швейцария) - әлемдегі ең таза өзен. Мөлдір көгілдір суымен және көркем көріністерімен танымал.

Әйгілі Ганг өзені (Үндістан). Ол әлемдегі ең қасиетті өзен болып саналады. Ганг индуизмде маңызды рөл атқарады. Бұл өзен индуизмде ежелгі заманнан бері құрметтеліп келеді, барлық үнді әдебиетінде аталады .

Көк өзен (Гренландия) - ерекше көрінісімен таң қалдырады. Суретте: Кангерлуссуак маңындағы Гренландия мұз қабатының ландшафты. Солтүстік Америка, Гренландия.

Читарум (Индонезия). Қазіргі уақытта өзен адамдардың әрекетінің салдарынан қатты ластанған. Өзен бассейнінде шамамен бес миллион адам тұрады.

Рио-Тинто (Испания) - қызыл түсті әлемдегі ең қышқыл өзен (pН 1,7-2,5). Бір қызығы, оның суы ішуге жарамсыз, бірақ тері ауруларын емдеуде қолданылады.

Индигирка - Ресейдің солтүстік-шығысындағы өзен (Якутия). Бұл әлемдегі ең суық өзен болып саналады.