Тоқаев әйелдер колониясындағы ахуалға қатысты ұсыныстар әзірлеуді тапсырды

© Sputnik / Илья Питалев / Медиабанкке өтуЖенская колония, архивное фото
Женская колония, архивное фото - Sputnik Қазақстан, 1920, 14.03.2025
Жазылу
АСТАНА, 14 наурыз– Sputnik. Президент Қасым-Жомарт Тоқаев әйелдер колониясындағы ахуалға қатысты ұсыныстар енгізуді тапсырды, деп хабарлайды Sputnik Қазақстан.
Ұлттық құрылтайдың бүгінгі отырысында Тоқаев белгілі адвокат Айман Омаровадан хат алғанын айтты. Заңгер әйелдер колониясындағы ахуалды баяндап, әсіресе, жүкті әйелдер мен кішкентай балалары бар әйелдердің жағдайына баса назар аударды.
"Еліміздегі қылмыстық-атқару жүйесінің мақсаты сотталған азаматтарды жазалау емес, түзету болуы керек деген пікірмен келісемін. Ер адам немесе әйел болсын, бас бостандығынан айырылғандардың бәрі заң алдында бірдей екені түсінікті. Дегенмен адамгершілік құндылықтарды басшылыққа алып, "Заң мен тәртіп" қағидатын сақтай отырып, кәмелетке толмаған баласы бар әйелдерге қатысты кейбір заңдық ұстанымдарды қайта қарауға болады деп ойлаймын", - деді Тоқаев.
Осы орайда құқық қорғау органдары мен депутаттарға осы мәселені байыпты әрі жан-жақты зерттеп, шешім қабылдау үшін ұсыныстар енгізуді тапсырды.
© Photo : АқордаҰлттық құрылтай отырысы
Ұлттық құрылтай отырысы - Sputnik Қазақстан, 1920, 14.03.2025
Ұлттық құрылтай отырысы
Жаңалықтар
0