Қазақстанда өлімі-жітім көрсеткіші 2,3%-ке артқан

© Sputnik / Андрей Стенин / Медиабанкке өтуАрхивтегі фото
Архивтегі фото - Sputnik Қазақстан, 1920, 06.03.2025
Жазылу
АЛМАТЫ, 6 наурыз – Sputnik. Қазақстанда былтыр 133,6 мың адам қайтыс болды, бұл өткен жылмен салыстырғанда 2,3%-ке көп, деп хабарлады Finprom.kz.
Әсіресе Алматыда көп адам қайтыс болған – 12,2 мың адам. Мұнда 2023 жылы бір жылда 12 мың адам өмірден өткен. Одан кейінгі орындарда Қарағанды, Түркістан, Алматы және Қостанай облыстары тұр. Ал Ұлытау, Маңғыстау және Атырау облыстарында керісінше адам шығыны аз болған.
Қайтыс болғандардың көпшілігі қан айналымы ауруынан көз жұмған. Былтыр бұл аурумен 29,8 мың адам қайтыс болды. Бұл көрсеткіш те жыл санап өсіп барады. Екінші орында - жүйке жүйесінің аурулары тұр. Бұл аурумен 25,6 мың адам бақилық болған. Жазатайым оқиғалар, улану және жарақат салдарынан 10,4 мың адам, жұқпалы және паразиттік аурулардан 1,2 мың адам көз жұмды.
Жалпы әлем бойынша былтыр 62,4 млн адам қайтыс болды, бұл 2023 жылмен салыстырғанда 1,2%-ке көп. Болжам бойынша, бір жылда әлемде 34,1 миллион ер адам, 29,1 миллион әйел қайтыс болады.
Әлем бойынша қайтыс болғандардың басым көпшілігі азиялықтар. Екінші орында Африка, үшінші орында Еуропа тұр.
Жаңалықтар
0