Астанада бір пәтерге көп адам тіркегендерге салынатын айыппұл көлемі белгілі болды

© Sputnik / Владислав ВодневАстана көрінісі
Астана көрінісі - Sputnik Қазақстан, 1920, 05.03.2025
Жазылу
Әкімшілік құқық бұзушылық туралы кодексте тұрақты және уақытша тіркеу нормаларын бұзуға қатысты жаза бар
АСТАНА, 5 наурыз – Sputnik. Үкімет бір пәтерде тіркелетін адам санын шектеу аясында баспана иесіне салынатын айыппұлдың көлемін жариялады, деп хабарлайды Sputnik Қазақстан тілшісі.
Мәжіліске Астанада тіркеу нормативін енгізуге арналған заң түсті. Соның аясында бір пәтерде тіркелетін адам санына шектеу енгізіледі. Бұдан бөлек, үйдің иесіне қатысты жаза күшейтіледі. Бүгін депутаттар заңды бірінші оқылымда мақұлдады. Ал ұлттық экономика вице-министрі Бауыржан Оспанов жазаның қалай өзгеретінін айтып берді.

"Бүгінде Әкімшілік құқық бұзушылық туралы кодексте тұрақты және уақытша тіркеу нормаларын бұзуға қатысты жаза бар. Айыппұлдың көлемі 10 АЕК (2025 жылда 39,3 мың теңге) құрайды. Заң жобасында біз осы жазаны екі есе күшейтіп жатырмыз, айыппұлдың көлемін екі есеге арттыруды ұсындық. Оны қабылдаса, айыппұл 20 АЕК (2025 жылда 78,6 мың теңге) болады. Бұл заңды бұзған баспана иесіне қатысты шара", - деді Оспанов мәжілісте өткен брифингте.

Ал халыққа қызмет көрсету орталығының мамандары ондай әрекетке жол берсе, қылмыстық іс қозғалады.
Гарант ТК - Sputnik Қазақстан, 1920, 05.03.2025
Астанада тіркелетін бір адамға қанша шаршы метр белгіленеді - мәслихат төрағасының жауабы
Жаңалықтар
0