Қырғызстанға бензиннің заңсыз экспортын ұйымдастырғандар анықталды

© Photo : Пресс-служба АО "НК "КазМунайГаз"Теңіз жүк жөнелтілімдері
Теңіз жүк жөнелтілімдері - Sputnik Қазақстан, 1920, 28.02.2025
Жазылу
2023-2024 жылдар кезеңінде көрші мемлекетке "қара май Ойл" өндірісінің 102 мың тоннадан астам ЖЖМ экспортталды
АСТАНА, 28 ақпан - Sputnik. Қаржы мониторингі агенттігінің қызметкерлері Қырғыз Республикасына АИ-92 бензинін заңсыз әкетумен айналысқан қылмыстық топтың қызметін тоқтатты. Бұл туралы агенттіктің баспасөз қызметі хабарлады.
"Күдіктілер Қазақстан аумағынан еріткіш пен дистиллят түріндегі бензинді сатып алып, оны жалған құжаттар арқылы елден заңсыз әкеткені анықталды", - делінген хабарламада.
Жедел іздестіру іс-шаралары барысында "Түрксіб" станциясында заңсыз жолмен жөнелтілген 500 тоннаға жуық бензин тиелген 8 теміржол цистернасы анықталды. Жүк "Қара Май Ойл" шағын мұнай өңдеу зауытынан жөнелтілген және Қырғызстанға бағытталған.
ҚМА тергеушілерінің мәліметінше, 2023-2024 жылдар кезеңінде көрші мемлекетке "қара май Ойл" өндірісінің 102 мың тоннадан астам ЖЖМ экспортталды.
"Алдын ала мәліметтер бойынша, қылмыстық топтың көлеңкелі айналымы соңғы екі жылда 15,5 млрд теңгені құрады", - делінген хабарламада.
Қаржы мониторингі агенттігінің мәліметінше, бірнеше адам ұсталды. Кәсіпорынды ұйымдастырушылардың үшеуіне халықаралық іздеу жарияланды: Олар - Қазақстанның екі азаматы - Алексей Попов пен Серік Сағындықов, Өзбекстан азаматы - Рахымжан Ибраимов.
Президент ознакомился с проектом расширения Карачаганака - Sputnik Қазақстан, 1920, 26.02.2025
Қазақстан биыл мұнай экспортын ұлғайтады
Жаңалықтар
0