Халықаралық олимпиада комитеті World Boxing федерациясын уақытша мойындады
21:48 26.02.2025 (жаңартылды: 21:52 26.02.2025)
© Photo
Жазылу
Бұл ұйымға әлемдік деңгейде боксты қадағалау құқығын береді
АСТАНА, 26 ақпан – Sputnik. Халықаралық Олимпиадалық комитетінің Атқарушы кеңесі қашықтан өткен отырыста World Boxing Халықаралық федерациясын уақытша мойындады, деп хабарлады комитеттің баспасөз қызметі.
Бұл ұйымға әлемдік деңгейде боксты қадағалау құқығын береді.
ХОК бұл шешімді қабылдауға әсер еткен негізгі себептерді атады:
Ұйым құрамында бес құрлықтан 78 ұлттық федерация бар, сондай-ақ төрт құрлық конфедерациясы құрылған;
Париждегі 2024 жылғы Олимпиада ойындарына қатысқан боксшылардың 62%-ы және жүлдегерлердің 58%-ы World Boxing құрамына кіретін федерациялар атынан өнер көрсетті;
2024 жылғы Олимпиадада тәуелсіз бақылау аясында қолданылған спорттың адалдығын қамтамасыз ету процесі енгізілді;
World Boxing ұйымы AIMS мүшелігін алды, оны SportAccord Атқарушы комитеті мен AIMS Бас ассамблеясы мақұлдады;
Басқару жүйесі әзірленіп, оған Этикалық кодекс, сыбайлас жемқорлыққа қарсы саясат, мүдделер қақтығысы саясаты және қаржы комитетінің жұмыс регламенті енгізілді;
2025–2028 жылдарға қаржыландыруды қамтамасыз ететін ұзақ мерзімді коммерциялық келісімдер жасалды;
Ұйым Спорттық арбитраж сотының (CAS) юрисдикциясын мойындады;
Дүниежүзілік допингке қарсы агенттігі (WADA) кодексінің қатысушысы мәртебесін алды және Халықаралық тестілеу агенттігімен (ITA) келісімшарт толық орындалды.
ХОК-тің бағалау қорытындысы бойынша, World Boxing басқару және спорттық даму саласындағы негізгі мәселелерде айтарлықтай жетістікке қол жеткізді. Осыған байланысты ұйымды Олимпиадалық қозғалыс аясында әлемдік деңгейдегі боксты реттейтін Халықаралық федерация ретінде уақытша мойындау ұсынылды.
