Қытай Қазақстанда көлік-логистикалық хаб салуға 1 млрд юань инвестиция жасайды
© Photo : Пресс-служба "Казахстан Темир Жолы"
Жазылу
АСТАНА, 19 ақпан – Sputnik. Қытай Қазақстанда көлік-логистикалық хаб салуға 1 млрд юань инвестиция жасайды, деп хабарлады "Қазақстан темір жолы" ҰК" АҚ баспасөз қызметі.
ҚХР ШҰАА коммунистік партиясының хатшысы Ма Синжуй мен "ҚТЖ" ҰК" АҚ басқарма төрағасы Нұрлан Сауранбаев кездесті
© Photo : Пресс-служба "Казахстан Темир Жолы"
Бұл мәселені Үрімші қаласында ҚКП ОК Саяси бюросының мүшесі, ҚХР ШҰАА коммунистік партиясының хатшысы Ма Синжуй мен "ҚТЖ" ҰК" АҚ басқарма төрағасы Нұрлан Сауранбаев талқылады.
"Кеңесте ШҰАА басшылығы Қазақстанда көлік-логистикалық хаб құрылысына 1 млрд юань инвестициялау туралы шешім қабылдады", - деп жазылған хабарламада.
Ма Синжуй ҚР мен ҚХР арасындағы теміржол тасымалы тұрақты өсіп жатқанын, оның көлемі 2024 жылы рекордтық деңгейге – 32 млн тоннаға жеткенін атап өтті.
ҚХР ШҰАА коммунистік партиясының хатшысы Ма Синжуй мен "ҚТЖ" ҰК" АҚ басқарма төрағасы Нұрлан Сауранбаев кездесті
© Photo : Пресс-служба "Казахстан Темир Жолы"
Кездесуде бұған дейін талқыланған барлық мәселе (Достық-Мойынты учаскесінде екінші жол салу, транзиттік жүктердің көлемін ұлғайту және т.б.) толық орындалғаны айтылды.
2025-2026 жылдарға арналған жоспарлар белгіленді, олардың ішінде:
Алматы агломерациясында көлік-логистикалық хаб құру,
Достық-Алашаңқай шекаралық өткелін дамыту,
Бақты-Аягөз теміржол желісінің құрылысын жедел іске асыру жұмыстары бар.
