Солтүстік Қазақстанда кооператив басшысы мемлекет қаражатына джип мініп алған

© Photo : CC0 / Dariusz Sankowski Иллюстративті сурет
Иллюстративті сурет - Sputnik Қазақстан, 1920, 07.02.2025
Жазылу
Күдікті сүт өнімдерін өңдеуге бөлінген 50 миллион теңгеден астам субсидияны заңсыз алған
АЛМАТЫ, 7 қаңтар – Sputnik. Солтүстік Қазақстанда 50 миллион теңгеден астам қылмыстық табысты жымқыру және заңдастыру схемасы анықталды, деп хабарлады Қаржылық мониторинг агенттігі.
Ауыл шаруашылығы өндірістік кооперативі басшысы 50 миллион теңгеден астам субсидияны заңсыз алған.
"Өндірістік кооператив басшысы 2019 жылдың мамырынан 2020 жылдың наурызына дейінгі аралықта жалған құжатты пайдаланып, сүт өнімдерін өңдеуге бөлінген 50 миллион теңгеден астам субсидияны заңсыз алған", - дейді ведомство.
Ол ауыл шаруашылығы басқармасына жеке кәсіпкерлерден шикі сүт сатып алғаны үшін өзара есеп айырысу туралы жалған құжаттар және май өндірісі туралы қасақана жалған ақпараттар беріп келген.
"Заңсыз алынған субсидияларға күдікті "TOYOTA LAND CRUISER PRADO 150" маркалы автокөлік сатып алғаны анықталды, ол сенімді адамға рәсімделген", - дейді агенттік.
Күдікті екі айға қамауға алынды. Тергеу жүріп жатыр.
Жаңалықтар
0