ЕАЭО бағалы қағаздар нарығы үшін жағдайды жақсартуда

© Photo : Пресс-служба президента КазахстанаСаммит ЕАЭС в Санкт-Петербурге
Саммит ЕАЭС в Санкт-Петербурге - Sputnik Қазақстан, 1920, 28.01.2025
Жазылу
АСТАНА, 28 қаңтар – Sputnik. Еуразиялық экономикалық комиссия алқасы бағалы қағаздар нарығының жұмысын жақсартуға арналған ЕЭК Кеңесінің ұсынымының жобасын мақұлдады, деп хабарлады ЕЭК баспасөз қызметі.
Құжат "ЕАЭО-ға мүше мемлекеттердің заңнамасын бағалы қағаздар нарығын реттеу саласында қолданылатын негізгі ұғымдар мен анықтамалар бөлігінде үйлестіру және бағалы қағаздар нарығы нарықтық делдалдарға (брокерлерге) қойылатын талаптарды белгілеу бойынша келісілген ұсыныстар туралы" деп аталады.
"Ұсыным мен келісілген ұсыныстар ЕАЭО туралы шартқа, Шартқа №17 қосымшаға (Қаржы қызметтері туралы хаттамаға), Бірыңғай қаржы нарығын қалыптастыру тұжырымдамасына, Заңнамаларды үйлестіру туралы келісімге және Одақ мемлекеттерінің қаржы нарығындағы заңнамасын үйлестіру жөніндегі іс-шаралар жоспарына сәйкес әзірленді", - делінген хабарламада.
ЕЭК экономика және қаржы саясаты министрі Бақыт Сұлтанов үйлестіру бойынша келісілген ұсыныстар ЕАЭО мемлекеттерінде қолданыстағы заңнаманы салыстырмалы құқықтық талдау нәтижелері бойынша дайындалғанын айтты.
"Бұл біздің нарықта ашықтық пен өзара сенімді қамтамасыз ететін біртұтас қаржы кеңістігін құру жолындағы маңызды қадам", - деді Бақыт Сұлтанов.
Алқа бекіткен заңнаманы үйлестіру жөніндегі ұсынымдар мен келісілген ұсыныстар Комиссия Кеңесінің қарауына және бекітуіне жіберіледі.
Жаңалықтар
0