Келесі жылы елімізде қамқоршылық органдарының штаты 2,5 есеге артады

© Photo : акимат АлматыАлматы мектептері
Алматы мектептері - Sputnik Қазақстан, 1920, 24.01.2025
Жазылу
Алғаш рет заңнамалық деңгейде қамқоршылық органдарының штаттық санының нормативі бекітілді
АСТАНА, 24 қаңтар — Sputnik. Қорғаншылық және қамқоршылық органдардың штат санын 2,5 есеге ұлғайту жоспарлануда. Шешім балалардың құқықтарын қорғауды жақсартуға және қорғаншылық жүйесінің жұмысын күшейтуге бағытталған, деп хабарлайды оқу-ағарту министрлігінің баспасөз қызметі.
Алғаш рет заңнамалық деңгейде қамқоршылық органдарының штаттық санының нормативі бекітілді — 5 мың балаға бір маман. Бүгінгі таңда өңірлік қамқоршылық органдарының қызметкерлерінің саны 303-тен 692 адамға дейін артты.
Ведомствоның хабарлауынша, 2025 жылы бұл көрсеткішті айтарлықтай ұлғайту жоспарланып отыр, бұл балалар мен олардың отбасыларына көмек көрсетудің қолжетімділігін арттырып, қамқоршылық органдарының жұмыс сапасын жақсартуға мүмкіндік береді.
"Жаңа штаттық норма көптеген елде теңдесі жоқ бірегей қазақстандық тәжірибе болып табылады. Енді қамқоршылық органдарының әрбір маманы қажетті қолдауды қамтамасыз ете отырып, балалармен және олардың отбасыларымен жақын жұмыс істей алады", - деп мәлімдеді министр Ғани Бейсембаев.
Қазір министрлік Балалардың құқықтарын қорғау комитеті Бала құқықтары жөніндегі уәкілмен бірлесіп қамқоршылық органдары қызметінің тиімділігін арттыру үшін әдістемелік ұсынымдар әзірлеуде.
Жаңалықтар
0