Шанхай ынтымақтастық ұйымы БҰҰ-мен және басқа ұйымдармен ынтымақтастықты жоспарлап отыр
© Photo : Пресс-служба правительства Казахстана
Жазылу
ШЫҰ жоспары әлемдік мәселелердің күн тәртібімен үйлеседі
АСТАНА, 3 қаңтар - Sputnik. Шанхай ынтымақтастық ұйымы (ШЫҰ) биыл БҰҰ-мен және басқа да халықаралық ұйымдармен белсенді ынтымақтастықты жоспарлап отыр, деп мәлімдеді ұйымының Бас хатшысы Нұрлан Ермекбаев. Бұл туралы РИА Новости жазды.
Оның айтуынша, ШЫҰ-ның күш-жігері жалпы әлемдік күн тәртібіне сай келеді. Сондай-ақ 2024 жылы Астана саммитінде қабылданған диалог бойынша әріптестермен өзара іс-қимылды дамыту жөніндегі жол картасына сәйкес ұйым серіктестермен өзара іс-қимылды "неғұрлым тәжірибелік мазмұнмен жандандыруды және толықтыруды" жоспарлап отыр.
"Сондай-ақ БҰҰ-мен және оның хатшылығымен, мамандандырылған мекемелермен және басқа да халықаралық өңірлік серіктес ұйымдармен белсенді ынтымақтасатын боламыз. Қазір БҰҰ Бас Ассамблеясының ШЫҰ-ның әділ бейбітшілік, келісім және даму үшін әлемдік бірлік бастамасы туралы қарарының жобасы жұмыс істеп жатыр", - деді Ермекбаев.
ШЫҰ – 2001 жылы құрылған халықаралық ұйым. Оған Үндістан, Иран, Қазақстан, Қытай, Қырғызстан, Ресей, Беларусь, Тәжікстан, Пәкістан және Өзбекстан, бақылаушы елдер – Ауғанстан мен Моңғолия, серіктес елдер – Әзербайжан, Армения, Бахрейн, Камбоджа, Мысыр, Кувейт, Мальдив аралдары, Мьянма, Непал, Катар, Сауд Арабиясы, БАӘ, Түркия және Шри-Ланка кіреді.
