https://sputnik.kz/20241227/qysqy-aziya-oyyndary-qazaqstan-quramasynyn-formasy-tanystyryldy-49616188.html

Қысқы Азия ойындары: Қазақстан құрамасының формасы таныстырылды

Қысқы Азия ойындары: Қазақстан құрамасының формасы таныстырылды

Sputnik Қазақстан

Форма заманауи технологиялармен жасалған жоғары сапалы материалдардан дайындалған 27.12.2024, Sputnik Қазақстан

2024-12-27T19:54+0500

2024-12-27T19:54+0500

2024-12-27T19:54+0500

азия ойындары

https://sputnik.kz/img/07e8/0b/0f/48549959_84:0:1117:581_1920x0_80_0_0_9127b51b158671b03c1e4893503b4550.jpg

АСТАНА, 27 желтоқсан – Sputnik. Туризм және спорт министрлігі ұлттық құраманың 2025 жылғы IX Қысқы Азия ойындарында киетін ресми спорттық формасын таныстырды.Жаңа форма халықаралық стандарттарға сай әзірленіп, ұлттық талаптар толық ескерілді. Негізгі түстер – қою көк пен ашық көк. Бұл түстер тұрақтылықты, тәуелсіздікті және жаңа белестерге ұмтылысты бейнелейді. Ақ түсті элементтер тазалықты және спорттағы әділдік қағидаттарын айқындайды."Дизайн мемлекеттік рәміздермен: елтаңба және тумен толықтырылған. Сонымен қатар формада QAZAQSTAN жазуы, 2025 жылғы IX Қысқы Азия ойындарының логотипі және Қазақстан Ұлттық Олимпиада комитетінің эмблемасы бар", - деп жазылған ведомство хабарламасында.Спортшылардың жайлылығы үшін табиғи термореттеу қасиетіне ие маталар қолданылды. Сыртқы киім табиғи мамықпен жылытып, жеңіл әрі жылуды сақтайтын етіп жасалған. Спорттық костюмдерде суық жағдайларда да жылу сақтайтын жоғары технологиялық флис пайдаланылды.Форма жиынтығына жылы куртка, желден қорғайтын костюм, жилет, спорттық және жаттығу киімдері, футболка, шорты, бас киімдер, спорттық аяқ киім және әртүрлі аксессуарлар кіреді.Ақ Азиада 2025 жылдың 7-14 ақпан аралығында Қытай Халық Республикасының Харбин қаласында өтеді. Оған 32 елден 1147 спортшы қатысады. Жарыс бағдарламасы аясында 6 спорт түрі және 11 дисциплина бойынша 196 медаль жиынтығы сарапқа салынады.

2024

Жаңалықтар

kk_KK

азия ойындары