АСТАНА, 27 қараша – Sputnik. "Еуразиялық мониторинг" аналитикалық зерттеулер орталығы "Ескі дәуірге жаңа көзқарас: Қазақ даласы мен Ресей империясы статистика призмасы арқылы" атты монографияны таныстырды, деп хабарлайды Sputnik Қазақстан.
"Ескі дәуірге жаңа көзқарас: Қазақ даласы мен Ресей империясы статистика призмасы арқылы" атты монография
© Sputnik
Кітапты Қазақстан мен Ресей тарихшылары бірлесіп шығарды. Авторлары: қазақстандық сарапшылар – тарих ғылымдарының кандидаты Таисия Мармонтова мен "Еуразиялық мониторинг" аналитикалық зерттеулер орталығының басшысы Әлібек Тәжібаев, сондай-ақ ресейлік тараптан – халықаралық білім институты директорының орынбасары Александр Дроговоз. Ал Еуразия ұлттық университетінің профессоры Светлана Ковальская ғылыми редактор болды.
"Ескі дәуірге жаңа көзқарас: Қазақ даласы мен Ресей империясы статистика призмасы арқылы" атты монографияның таныстырылымы
© Photo : Центр аналитических исследований "Евразийский мониторинг"
Монография Ресей империясының дәуірін, атап айтқанда, 18 ғасырдан кеңестер уақытына дейінгі аралықты қамтып отыр. Авторлар статистика арқылы дәл сол кезеңде Қазақ даласы мен империяның қарым-қатынасын көрсетуге тырысқан. Сол кездегі әрбір облысқа қатысты нақты мәліметтер – ауданы, халық саны, сауда-саттық көлемі, өнеркәсіп, ауыл шаруашылығы, дін, білім, денсаулық сақтау және тағы басқа статистика бар.
"Ескі дәуірге жаңа көзқарас: Қазақ даласы мен Ресей империясы статистика призмасы арқылы" атты монографияның таныстырылымы
© Sputnik / Стрингер
Ғылыми реадактор, профессор Светлана Ковальскаяның айтуынша, монография Қазақстан мен Ресей арасындағы байланыстың тарихын аша түседі, қоғамның көкейінде жүрген сұрақтардың жауабын да табуға болады.
"Ескі дәуірге жаңа көзқарас: Қазақ даласы мен Ресей империясы статистика призмасы арқылы" атты монографияның таныстырылымы
© Photo : Центр аналитических исследований "Евразийский мониторинг"
Алдағы уақытта кітапты қазақ тіліне аудару жоспарланып отыр. Қазіргі монографияның кіріспесі мен қорытындысы қазақ тілінде жазылған.
