https://sputnik.kz/20241122/qazaqstan-italiyamen-munay-gaz-khimiyasy-salasynda-yntymaqtastyqty-nygaytady-48733014.html
Қазақстан Италиямен мұнай-газ химиясы саласында ынтымақтастықты нығайтады
Қазақстан Италиямен мұнай-газ химиясы саласында ынтымақтастықты нығайтады
Sputnik Қазақстан
Қазақстанның премьер-министрі италиялық Maire Tecnimont және Ansaldo Energia компанияларының басшыларымен кездесуде өндірісті ашу келешегі талқылады 22.11.2024, Sputnik Қазақстан
2024-11-22T15:51+0500
2024-11-22T15:51+0500
2024-11-22T15:51+0500
олжас бектенов
қазақстан
италия
ынтымақтастық
https://sputnik.kz/img/07e8/0b/16/48730181_0:0:1200:675_1920x0_80_0_0_df13ee8f8f989c65118dcdb0ddd36ce9.jpg
АСТАНА, 22 қараша – Sputnik. Қазақстанның премьер-министрі Олжас Бектенов италиялық компаниялардың – энергетика және мұнай-химия саласындағы жетекші жабдықтар өндірушілерінің басшыларымен кездесті, деп хабарлайды үкіметтің баспасөз қызметі.Ansaldo Energia директоры Фабрицио Фаббримен келіссөздер барысында италиялық технологияларды қолдану арқылы Қазақстанның энергетикалық инфрақұрылымының тиімділігін арттыру шаралары талқыланды.Қазақстан премьер-министрін италиялық компанияның газ және бу турбиналарын дайындаудағы тәжірибесі қызықтырды. Өйткені, биылғы жылдың қаңтар айында жасалған келісім бойынша италиялықтар Алматы ЖЭО-3 үшін екі газ турбинасын дайындайды.Ansaldo Energia Қазақстандағы газ-турбиналық қондырғылардың құрамдас бөліктерін шығару мен өзара тиімді ынтымақтастыққа мүдделі екені айтылды.Қазақстан премьер-министрі Maire Tecnimont президенті Алессандро Бернинимен кездесуде көмірсутек шикізатын терең өңдеудің кейбір аспектілерін талқылады, атап айтқанда, полимерлер туралы сөз қозғалды.Алессандро Бернини Қазақстанда мұнай-химия зауыттарын салу жобалары жүзеге асырылып жатқанынан хабардар болғандықтан, Maire Tecnimont полиэтилен, бутадиен, тұрақты авиациялық отын өндірісіне және газ сепарациясы кешенінің құрылысына қатысуға мүдделі.Кездесулердің қорытындысы бойынша Қазақстан премьер-министрі өңдеуге баса назар аудара отырып, экономиканың құрылымын әртараптандыруға және өзгертуге бағытталған ауқымды инфрақұрылымдық бастамалардың маңыздылығын айтты. Ол Қазақстан үкіметінің бірлескен жобаларды жүзеге асырудың барлық кезеңінде шетелдік инвесторларға көмек көрсетуге дайын екенін растады.
қазақстан
италия
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
олжас бектенов, қазақстан, италия, ынтымақтастық
олжас бектенов, қазақстан, италия, ынтымақтастық
Қазақстан Италиямен мұнай-газ химиясы саласында ынтымақтастықты нығайтады
Қазақстанның премьер-министрі италиялық Maire Tecnimont және Ansaldo Energia компанияларының басшыларымен кездесуде өндірісті ашу келешегі талқылады
АСТАНА, 22 қараша – Sputnik. Қазақстанның премьер-министрі Олжас Бектенов италиялық компаниялардың – энергетика және мұнай-химия саласындағы жетекші жабдықтар өндірушілерінің басшыларымен кездесті, деп хабарлайды үкіметтің баспасөз қызметі.
Ansaldo Energia директоры Фабрицио Фаббримен келіссөздер барысында италиялық технологияларды қолдану арқылы Қазақстанның энергетикалық инфрақұрылымының тиімділігін арттыру шаралары талқыланды.
Қазақстан премьер-министрін италиялық компанияның газ және бу турбиналарын дайындаудағы тәжірибесі қызықтырды. Өйткені, биылғы жылдың қаңтар айында жасалған келісім бойынша италиялықтар Алматы ЖЭО-3 үшін екі газ турбинасын дайындайды.
Ansaldo Energia Қазақстандағы газ-турбиналық қондырғылардың құрамдас бөліктерін шығару мен өзара тиімді ынтымақтастыққа мүдделі екені айтылды.
Қазақстан премьер-министрі Maire Tecnimont президенті Алессандро Бернинимен кездесуде көмірсутек шикізатын терең өңдеудің кейбір аспектілерін талқылады, атап айтқанда, полимерлер туралы сөз қозғалды.
Алессандро Бернини Қазақстанда мұнай-химия зауыттарын салу жобалары жүзеге асырылып жатқанынан хабардар болғандықтан, Maire Tecnimont полиэтилен, бутадиен, тұрақты авиациялық отын өндірісіне және газ сепарациясы кешенінің құрылысына қатысуға мүдделі.
Кездесулердің қорытындысы бойынша Қазақстан премьер-министрі өңдеуге баса назар аудара отырып, экономиканың құрылымын әртараптандыруға және өзгертуге бағытталған ауқымды инфрақұрылымдық бастамалардың маңыздылығын айтты. Ол Қазақстан үкіметінің бірлескен жобаларды жүзеге асырудың барлық кезеңінде шетелдік инвесторларға көмек көрсетуге дайын екенін растады.
