https://sputnik.kz/20241012/shanyraqtyn-iesin-izdep-zhurmin-qazaqstandyq-anime-sheteldik-bayqaularda-zhuldeger-atandy-47776502.html
"Шаңырақтың иесін іздеп жүрмін": қазақстандық аниме шетелдік байқауларда жүлдегер атанды
"Шаңырақтың иесін іздеп жүрмін": қазақстандық аниме шетелдік байқауларда жүлдегер атанды
Sputnik Қазақстан
АЛМАТЫ, 12 қазан – Sputnik. Қазақстандық аниме шетелде өткен бірнеше байқауда жеңімпаз атанып, әлемнің үздік бестігіне кірген. Бұл анимені анасы мен қызы өз... 12.10.2024, Sputnik Қазақстан
2024-10-12T09:00+0500
2024-10-12T09:00+0500
2024-10-12T09:00+0500
анимация
өнер
https://sputnik.kz/img/07e8/0a/0b/47777040_0:0:1920:1080_1920x0_80_0_0_123171d9d4a374eb7cbc7f0213cfdb3b.jpg
АЛМАТЫ, 12 қазан – Sputnik. Қазақстандық аниме шетелде өткен бірнеше байқауда жеңімпаз атанып, әлемнің үздік бестігіне кірген. Бұл анимені анасы мен қызы өз қалталарынан қаржыландырған.Sputnik Қазақстан тілшісі аниме авторлары Үміт Жұбанышқызы және Маржан Жүнісбекпен тілдесіп қайтты.Үміт Жұбанышқызы 40 жыл бойы қазақфильмде еңбек етіп, көптеген шығармалар жасаған. Тіпті мектеп оқулықтарына да сурет салған өнерлі адам. Қызы Маржан анасының жолын қуып, өнер саласында еңбек етеді. Қыз мен анасының "Шаңырақтың иесін іздеп жүрмін" анимесі талай шетелдікті таңдай қақтырып, туынды әлемдегі ең үздік анимелердің бестігіне кірген.Анименің тарихыҮміт Жұбанышқызы 11 ағайынды болған, 9 қыз, екі ұл. Өкінішке орай 2 ұл мен үш қыз бүлдіршін кездерінде қайтыс болады. Әкесі Жұбаныш ақсақалдың 6 қызы қалады. Отағасының "шаңыраққа ие болар ұлым болса екен" деген үлкен арманы болады.Аниме көрермен көңілінен шыға ма деген үрейі де болған. Біртіндеп анимелер байқауларына жібере бастайды. Жүлделі орын алу емес, өздерінің деңгейін байқап көру. Жалпы анимеге Маржан мен анасы Үміт өз қалталарынан қаржы шығарған. Жапония, Түркия, Қытай және Өзбекстанның жүлдесін алған аниме авторлар емес, Қазақстанның мәртебесін көтерген."Шетелден бұрын ең бір қуанғаным – мен өз туған жеріме апарып көрсеттім. Көрермен көп келді. Ал түркия мемлекеті бұл анимені түрік тіліне аударып, кітап етіп шығарып, сол жаққа құрметпен шақырды. Жапон, Қытай жерінде де бізді бастарына хан көтерді. "Бізді неге сонша әспеттеді" деп таңқалғанымды жасырмаймын", - дейді Үміт Жұбанышқызы.Жарыққа шыға салып жүлделі орындар алды"Шаңырақтың иесін іздеп жүрмін" анимесін жасаған "ТЫНЖЫ" шығармашылық студиясының режиссері және продюсері - Маржан Жүнісбек. Аниме сол шыққан жылы Жапонияда "Tokyo film award" байқауында 1 орын алады. Сондай-ақ Baiqonur фестивалінде "Үздік сценарий" дипломын алады. Түркияның Тyrktav қоры көрме ұйымдастырып, Анкарада жергілікті тұрғындар мен елшілікке мультфильмнің тұсаукесерін өткізеді."Біз анамыз екеуміз шығармашылық тандем болдық. Бір күні ұялы телефоныма шет тілінде хабарлама келе берді, алаяқтар ма деп ойладым. Сөйтсек Жапониядағы байқауда жеңіске жетіппіз. Ал екінші жолы Жапония бізді шеберлік сыныбын өткізетін білікті аниматорлар ретінде шақырды. Әрине анимацияның отаны есептелетін жапондықтарды таңқалдыра қою оңай емес. Бірақ біздің шығарма олардың қазақ ұлтына деген қызығушылығын тудырды. Өйткені олар аса бір ынтызарлықпен көптеген сұрақтар қойып, таңқалумен болды. Айтуларынша, жапондар да қазақтар сияқты ұл баланы үйдің иесі деп есептейді екен", - Маржан.Қазақ аниматорлары әлемдік Tokio Anime Award Festival-де "Ұлттық анимацияға қосқан үлесі үшін" марапатына ие болады. "Шаңырақтың иесін іздеп жүрмін" анимациясы әлемдегі ең жақсы 5 анимациялық фильмнің қатарына кіреді."Қытай республикасы Чэнду қаласына"The Golden Panda Award Festival" фестиваліне шақырды. Онда біздің анимені ең жақсы 5 фильмнің қатарында деп бағалап, "Отель монстров Трансильвания" Dream Works Pictures-пен деңгейлес деді", - дейді Маржан Жүнісбек.Маржанның айтуынша, қазақстандық аниматорлар шетелдік мықтылардың деңгейіне жетуіне мүмкіндігі мол."Қарап отырып біз де мықты екенбіз ғой, біздің де қолымыздан келеді екен ғой" деп ойладық. Бірақ ақша табу үшін ғана емес, сапалы дүние жасау үшін еңбек ету керек. Менің шәкірттерім бар, соларға үнемі "бәсекелестікті арттырыңыздар, мықты маман болыңыздар. Қазақстанның мықты аниме жасауда мүмкіншілігі өте мол" деп үнемі айтып отырамын", - дейді "Шаңырақтың иесін іздеп жүрмін" анимесінің продюсері Маржан Жүнсібек.
Sputnik Қазақстан
media@sputniknews.com
+74956456601
MIA „Rossiya Segodnya“
2024
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
анимация, өнер
АЛМАТЫ, 12 қазан – Sputnik. Қазақстандық аниме шетелде өткен бірнеше байқауда жеңімпаз атанып, әлемнің үздік бестігіне кірген. Бұл анимені анасы мен қызы өз қалталарынан қаржыландырған.
Sputnik Қазақстан тілшісі аниме авторлары Үміт Жұбанышқызы және Маржан Жүнісбекпен тілдесіп қайтты.
Үміт Жұбанышқызы 40 жыл бойы қазақфильмде еңбек етіп, көптеген шығармалар жасаған. Тіпті мектеп оқулықтарына да сурет салған өнерлі адам. Қызы Маржан анасының жолын қуып, өнер саласында еңбек етеді. Қыз мен анасының "Шаңырақтың иесін іздеп жүрмін" анимесі талай шетелдікті таңдай қақтырып, туынды әлемдегі ең үздік анимелердің бестігіне кірген.
Үміт Жұбанышқызы 11 ағайынды болған, 9 қыз, екі ұл. Өкінішке орай 2 ұл мен үш қыз бүлдіршін кездерінде қайтыс болады. Әкесі Жұбаныш ақсақалдың 6 қызы қалады. Отағасының "шаңыраққа ие болар ұлым болса екен" деген үлкен арманы болады.
"Бұл анименің жалпы сценариі 17 жыл жазылды. Әкемнің ұлды аңсаған арманын шығармашылық туынды етіп жасау – жас кезімнен келе жатқан мақсатым еді. Аумалы-төкпелі заман болды, қайта құру, тұрмыстық жағдай, ұзын-ырғасы 17 жыл сценариін жазыппын. Соны қызым Маржанға өтініш етіп айтып, ақыры 4,5 жылда анимені жасап шығардық", - дейді Үміт Жұбанышқызы.
Аниме көрермен көңілінен шыға ма деген үрейі де болған. Біртіндеп анимелер байқауларына жібере бастайды. Жүлделі орын алу емес, өздерінің деңгейін байқап көру. Жалпы анимеге Маржан мен анасы Үміт өз қалталарынан қаржы шығарған. Жапония, Түркия, Қытай және Өзбекстанның жүлдесін алған аниме авторлар емес, Қазақстанның мәртебесін көтерген.
"Шетелден бұрын ең бір қуанғаным – мен өз туған жеріме апарып көрсеттім. Көрермен көп келді. Ал түркия мемлекеті бұл анимені түрік тіліне аударып, кітап етіп шығарып, сол жаққа құрметпен шақырды. Жапон, Қытай жерінде де бізді бастарына хан көтерді. "Бізді неге сонша әспеттеді" деп таңқалғанымды жасырмаймын", - дейді Үміт Жұбанышқызы.
Жарыққа шыға салып жүлделі орындар алды
"Шаңырақтың иесін іздеп жүрмін" анимесін жасаған "ТЫНЖЫ" шығармашылық студиясының режиссері және продюсері - Маржан Жүнісбек. Аниме сол шыққан жылы Жапонияда "Tokyo film award" байқауында 1 орын алады. Сондай-ақ Baiqonur фестивалінде "Үздік сценарий" дипломын алады. Түркияның Тyrktav қоры көрме ұйымдастырып, Анкарада жергілікті тұрғындар мен елшілікке мультфильмнің тұсаукесерін өткізеді.
"Біз анамыз екеуміз шығармашылық тандем болдық. Бір күні ұялы телефоныма шет тілінде хабарлама келе берді, алаяқтар ма деп ойладым. Сөйтсек Жапониядағы байқауда жеңіске жетіппіз. Ал екінші жолы Жапония бізді шеберлік сыныбын өткізетін білікті аниматорлар ретінде шақырды. Әрине анимацияның отаны есептелетін жапондықтарды таңқалдыра қою оңай емес. Бірақ біздің шығарма олардың қазақ ұлтына деген қызығушылығын тудырды. Өйткені олар аса бір ынтызарлықпен көптеген сұрақтар қойып, таңқалумен болды. Айтуларынша, жапондар да қазақтар сияқты ұл баланы үйдің иесі деп есептейді екен", - Маржан.
Қазақ аниматорлары әлемдік Tokio Anime Award Festival-де "Ұлттық анимацияға қосқан үлесі үшін" марапатына ие болады. "Шаңырақтың иесін іздеп жүрмін" анимациясы әлемдегі ең жақсы 5 анимациялық фильмнің қатарына кіреді.
"Қытай республикасы Чэнду қаласына"The Golden Panda Award Festival" фестиваліне шақырды. Онда біздің анимені ең жақсы 5 фильмнің қатарында деп бағалап, "Отель монстров Трансильвания" Dream Works Pictures-пен деңгейлес деді", - дейді Маржан Жүнісбек.
Маржанның айтуынша, қазақстандық аниматорлар шетелдік мықтылардың деңгейіне жетуіне мүмкіндігі мол.
"Қарап отырып біз де мықты екенбіз ғой, біздің де қолымыздан келеді екен ғой" деп ойладық. Бірақ ақша табу үшін ғана емес, сапалы дүние жасау үшін еңбек ету керек. Менің шәкірттерім бар, соларға үнемі "бәсекелестікті арттырыңыздар, мықты маман болыңыздар. Қазақстанның мықты аниме жасауда мүмкіншілігі өте мол" деп үнемі айтып отырамын", - дейді "Шаңырақтың иесін іздеп жүрмін" анимесінің продюсері Маржан Жүнсібек.
