https://sputnik.kz/20241010/abay-oblysynda-politsey-bir-otbasyny-azhaldan-arashalap-qaldy-47731408.html

Абай облысында полицей бір отбасыны ажалдан арашалап қалды

Абай облысында полицей бір отбасыны ажалдан арашалап қалды

Sputnik Қазақстан

Бородулиха ауданында полиция қызметкерінің шұғыл әрекетінің арқасында өрт тез арада тоқтатылып, адам шығыны болмады 10.10.2024, Sputnik Қазақстан

2024-10-10T14:07+0500

2024-10-10T14:07+0500

2024-10-10T14:07+0500

өрт

https://sputnik.kz/img/07e7/09/0f/38476813_0:0:2730:1537_1920x0_80_0_0_6f9eb600092c7c528036a6d48a1e2a1e.jpg

АСТАНА, 10 қазан – Sputnik. Абай облысында полиция қызметкері өртті сөндіріп, бір отбасыны құтқарып қалды, деп хабарлады Polisia.kz.7 қазанда сағат 01:15 шамасында табиғатты қорғау полициясының инспекторы Ерасыл Сыдыков кезекшіліктен кейін үйіне қайтып келе жатып, түтінді байқап қалады. Ол бірден көлігін тоқтатып, оқиға орнына бет алады.Бородулиха ауылы Крупская көшесі 137 мекенжайындағы жеке үйдің шатыры жанып жатқаны анықталады.Ерасыл Сыдықов тез арада №12 өрт сөндіру бөлімшесінің диспетчерлік қызметіне хабарласып, өрттің нақты мекенжайын жеткізді. Өрт сөндірушілер келгенше уақытты босқа өткізбей, ол әрекет ете бастады.Полицей үй иелерін ояту үшін терезелер мен есіктерді қағып, іште адамдардың бар-жоғын анықтауға тырысты, алайда ешкім жауап бермеді. Оқиғаның қауіптілігін түсініп, тәртіп сақшысы терезені сындырып, үйге кірді. Ол барлығын оятып, отбасы мүшелерін қауіпсіз жерге шығарып үлгерді.Оқиға орнына өрт сөндіру бригадасы дер кезінде жетіп, өртті сөндірді. Ерасыл Сыдыковтың сауатты және батыл әрекеттерінің арқасында адам шығынын болдырмауға және шығынды азайтуға мүмкіндік туды. Өрттен аман қалған үй иелері полицейге шексіз алғыстарын білдірді."Менің орнымда кез келген адам осылай жасайтын еді. Ең бастысы, ешкім зардап шеккен жоқ", — дейді Ерасыл Сыдыков.

2024

Жаңалықтар

kk_KK

өрт