https://sputnik.kz/20240929/yadrolyq-qauipsizdik-sauda-buu-bas-assambleyasyndagy-pikirtalasta-qazaqstan-ne-aytty-47427455.html
Ядролық қауіпсіздік, сауда: БҰҰ Бас Ассамблеясындағы пікірталаста Қазақстан не айтты
Ядролық қауіпсіздік, сауда: БҰҰ Бас Ассамблеясындағы пікірталаста Қазақстан не айтты
Sputnik Қазақстан
АЛМАТЫ, 29 қыркүйек - Sputnik. Қазақстан Республикасы премьер-министрінің орынбасары – Сыртқы істер министрі Мұрат Нұртілеу БҰҰ Бас Ассамблеясының... 29.09.2024, Sputnik Қазақстан
2024-09-29T12:00+0500
2024-09-29T12:00+0500
2024-09-29T12:00+0500
бұұ
сыртқы істер министрлігі
https://sputnik.kz/img/07e5/0a/1b/18509001_0:160:3073:1888_1920x0_80_0_0_95807a6c8fbaf32d9ff7c6161320a9eb.jpg
АЛМАТЫ, 29 қыркүйек - Sputnik. Қазақстан Республикасы премьер-министрінің орынбасары – Сыртқы істер министрі Мұрат Нұртілеу БҰҰ Бас Ассамблеясының 79-сессиясының Жалпы саяси дебаттарында сөз сөйледі.ҚР Сыртқы істер министрлігі баспасөз қызметінің хабарлауынша, өз сөзінде М.Нұртілеу ағымдағы отырыс жаһандық қауіпсіздік жүйесі күйреу алдында тұрған сыни сәтте өтіп жатқанын атап өтті.ҚР СІМ басшысы БҰҰ Бас Ассамблеясының алдыңғы сессиясында Қазақстан Президенті Қасым-Жомарт Тоқаев ұсынған "Бейбітшілік пен келісім үшін әлемдік бірлік" бастамасын іске асыру қажеттігін еске салды. Ол жаһандық мәселелерді шешуге орта державалардың белсенді қатысуына шақырды: "Орта державалар мен дамушы елдердің дауыстары келіспеушіліктерді еңсеру және тұрақты халықаралық қауіпсіздік архитектурасын құру үшін маңызды".Климаттық сын-қатерлер туралы айта отырып, М.Нұртілеу дамыған елдер мен халықаралық қаржы институттарын Париж келісімінің ережелеріне сәйкес табысы төмен және орташа елдерге жасыл технологиялар мен жеңілдікті қаржыландыруды ұсынуға жәрдемдесуге шақырды.Министрдің айтуынша, Қазақстан 2026 жылы Өңірлік климаттық саммит өткізуді жоспарлап, өз үлесін қосуға ниетті.СІМ басшысы Мемлекет басшысы жүргізіп жатқан Әділетті Қазақстанды құру жөніндегі реформалар шеңберінде елімізде өлім жазасы жойылғанын, балалар мен әйелдерге қатысты зорлық-зомбылық үшін жауапкершілік күшейтілгенін, азаптауға мүлдем төзбеушілік саясаты жүргізіліп жатқанын және ұлттық алдын алу тетіктері нығайтылғанын атап өтті.М.Нұртілеу цифрлық трансформацияның маңыздылығын жеке атап өтті: "2030 жылға дейінгі цифрлық күн тәртібі технологияларға тең қол жетімділікті талап етеді. Жасанды интеллекттің дамуы бізге киберқауіптер мен деректер қауіпсіздігіне қауіп төндіретін жаңа қиындықтар туғызады".Министр этикалық стандарттарды әзірлеу үшін жасанды интеллект мәселелері жөніндегі БҰҰ Кеңсесін құру уақтылы шешім екенін атап өтіп, БҰҰ-ның осы процестердегі рөлін күшейтуді ұсынды.Қорытындылай келе, Қазақстан СІМ басшысы Болашақ саммиті мен БҰҰ Бас Ассамблеясының ағымдағы сессиясы барлық ұрпақ үшін жарқын, инклюзивті және қауіпсіз болашаққа жол ашатын маңызды қадамдар болатынына сенім білдірді: "Бұл іс-шаралар біздің ортақ болашағымыз үшін өзгерістерге жол ашсын".
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
бұұ, сыртқы істер министрлігі
бұұ, сыртқы істер министрлігі
АЛМАТЫ, 29 қыркүйек - Sputnik. Қазақстан Республикасы премьер-министрінің орынбасары – Сыртқы істер министрі Мұрат Нұртілеу БҰҰ Бас Ассамблеясының 79-сессиясының Жалпы саяси дебаттарында сөз сөйледі.
ҚР Сыртқы істер министрлігі баспасөз қызметінің хабарлауынша, өз сөзінде М.Нұртілеу ағымдағы отырыс жаһандық қауіпсіздік жүйесі күйреу алдында тұрған сыни сәтте өтіп жатқанын атап өтті.
"Ондаған елдер қақтығыстар мен тұрақсыздыққа ұшырап, мыңдаған адамның өмірін қиды, ал бүкіл континенттер климаттық дағдарыстан зардап шегуде", – деді ол.
ҚР СІМ басшысы БҰҰ Бас Ассамблеясының алдыңғы сессиясында Қазақстан Президенті Қасым-Жомарт Тоқаев ұсынған "Бейбітшілік пен келісім үшін әлемдік бірлік" бастамасын іске асыру қажеттігін еске салды. Ол жаһандық мәселелерді шешуге орта державалардың белсенді қатысуына шақырды: "Орта державалар мен дамушы елдердің дауыстары келіспеушіліктерді еңсеру және тұрақты халықаралық қауіпсіздік архитектурасын құру үшін маңызды".
Климаттық сын-қатерлер туралы айта отырып, М.Нұртілеу дамыған елдер мен халықаралық қаржы институттарын Париж келісімінің ережелеріне сәйкес табысы төмен және орташа елдерге жасыл технологиялар мен жеңілдікті қаржыландыруды ұсынуға жәрдемдесуге шақырды.
Министрдің айтуынша, Қазақстан 2026 жылы Өңірлік климаттық саммит өткізуді жоспарлап, өз үлесін қосуға ниетті.
СІМ басшысы Мемлекет басшысы жүргізіп жатқан Әділетті Қазақстанды құру жөніндегі реформалар шеңберінде елімізде өлім жазасы жойылғанын, балалар мен әйелдерге қатысты зорлық-зомбылық үшін жауапкершілік күшейтілгенін, азаптауға мүлдем төзбеушілік саясаты жүргізіліп жатқанын және ұлттық алдын алу тетіктері нығайтылғанын атап өтті.
М.Нұртілеу цифрлық трансформацияның маңыздылығын жеке атап өтті: "2030 жылға дейінгі цифрлық күн тәртібі технологияларға тең қол жетімділікті талап етеді. Жасанды интеллекттің дамуы бізге киберқауіптер мен деректер қауіпсіздігіне қауіп төндіретін жаңа қиындықтар туғызады".
Министр этикалық стандарттарды әзірлеу үшін жасанды интеллект мәселелері жөніндегі БҰҰ Кеңсесін құру уақтылы шешім екенін атап өтіп, БҰҰ-ның осы процестердегі рөлін күшейтуді ұсынды.
Қорытындылай келе, Қазақстан СІМ басшысы Болашақ саммиті мен БҰҰ Бас Ассамблеясының ағымдағы сессиясы барлық ұрпақ үшін жарқын, инклюзивті және қауіпсіз болашаққа жол ашатын маңызды қадамдар болатынына сенім білдірді: "Бұл іс-шаралар біздің ортақ болашағымыз үшін өзгерістерге жол ашсын".
