https://sputnik.kz/20240920/altyn-izdegen-aqmola-oblysynda-zhogalgan-oqushy-shakhtadan-tabyldy-47217562.html

"Алтын іздеген": Ақмола облысында жоғалған оқушы шахтадан табылды

"Алтын іздеген": Ақмола облысында жоғалған оқушы шахтадан табылды

Sputnik Қазақстан

11-сынып оқушысы үш күннен бері сабаққа бармаған 20.09.2024, Sputnik Қазақстан

2024-09-20T11:16+0500

2024-09-20T11:16+0500

2024-09-20T11:16+0500

шахта

https://sputnik.kz/img/07e7/01/11/31172980_0:48:1921:1128_1920x0_80_0_0_54f6d56e8f460695d9357345de87bdab.jpg

АСТАНА, 20 қыркүйек – Sputnik. Степногорск қаласында жоғалған жасөспірім Бестөбе шахтасынан табылды, деп хабарлайды Sputnik Қазақстан.16 қыркүйекте қалалық полиция басқармасына 17 жастағы жігіттің жоғалғаны туралы хабар түскен. 11-сынып оқушысы үш күннен бері сабаққа бармаған. Содан мұғалімдер оны іздей бастаған. Полиция қызметкерлері бірден іздестіру шараларына кіріскен.Тәртіп сақшылары жасөспірімнің ата-анасынан, туыстары мен достарынан жауап алып, мектеп оқушысының Бестөбеге кетіп қалғанын білген. Ол жақта алтын іздеймін деп, шахтаға түсіп кеткен. Полиция оны тауып, үйіне қайтарды. Ата-анасы өз міндеттерін орындамағаны үшін әкімшілік жауапқа тартылды. Ал жасөспірім күзетілетін нысанға заңсыз кіргені үшін айыппұл төлеуі керек.Айта кетері, кәмелетке толмаған адамды тәрбиелеу және қауіпсіздігін қамтамасыз ету бойынша өз міндеттерін орындамаған ата-аналарға 36 920 теңге көлемінде айыппұл салынады. Ал күзетілетін нысандарға заңсыз кіргені үшін 55 380 теңге немесе 15 тәулікке әкімшілік қамауға алу жазасы қарастырылған.

2024

Жаңалықтар

kk_KK

шахта