https://sputnik.kz/20240913/su-tasqynynan-zardap-shekken--aqtobe-oblysynyn-tagy-16-turgyny-uyli-boldy-47082257.html
Су тасқынынан зардап шеккен Ақтөбе облысының тағы 16 тұрғыны үйлі болды
Су тасқынынан зардап шеккен Ақтөбе облысының тағы 16 тұрғыны үйлі болды
Sputnik Қазақстан
АСТАНА, 13 қыркүйек – Sputnik. Мемлекет басшысының тапсырмасына сәйкес Ақтөбе облысының Ойыл ауданында көктемгі су тасқынында баспанасынан айырылған... 13.09.2024, Sputnik Қазақстан
2024-09-13T22:48+0500
2024-09-13T22:48+0500
2024-09-13T22:48+0500
ақтөбе облысы
су тасқыны
баспана
https://sputnik.kz/img/07e7/01/1d/31555692_0:66:1280:786_1920x0_80_0_0_52208f594999f90fa8505173924c5fab.jpg
АСТАНА, 13 қыркүйек – Sputnik. Мемлекет басшысының тапсырмасына сәйкес Ақтөбе облысының Ойыл ауданында көктемгі су тасқынында баспанасынан айырылған тұрғындарға жаңа үйлердің кілттерін табыстау жалғасуда.Бұған дейін көктемгі су тасқынында зардап шеккен аудан орталығы Ойыл, Кемер, Бестамақ және Қаратал ауылдарында 143 үй пайдалануға берілген еді. 13 баспананың құрылысы аяқталуға жақын.Ал бүгін Ақкемер ауылының 16 тұрғыны қоныстойын тойлады. 80 шаршы метрді құрайтын 3 бөлмелі баспаналар Eurasian Resources Group (ERG) құрылтайшы-акционерлері бөлген қаражатқа салынды. Бір үйдің құны - 28,5 млн. теңге. Құрылыс жұмыстарын "Hause Master Aktobe" мердігер компаниясы жүргізді.Салтанатты шараға Ойыл ауданының әкімі Асқар Қазыбаев, ERG компаниясының өкілі, Ақтөбе ферроқорытпа зауытының директоры Ержан Абдулабеков, мердігер мекеме басшылары қатысып, баспана иелерін жаңа қоныстарымен құттықтады. Сонымен қатар,"Sulpak" электроника сауда желісінің атынан тұрғын үй иелеріне тұрмыстық техника сертификаттары табысталды.Ойыл ауданы бойынша көктемгі су тасқыны кезінде 328 үй зардап шегіп, 21 үй қайта жөндеуден өтсе, тұрғындардың таңдауы бойынша екінші нарықтан 135 үй сатып алынған."Ауыл азаматтарына бүгінгі қуанышты күніміз ұзағынан болсын дегім келеді. Осыдан бірнеше ай бұрын ауылымызды су алып, қиналғанымыз есімізде. Мемлекет басшысы халыққа арнайы қолдау білдіріп, бізге өз жәрдемдеріңізді көрсетіп, қала типті үйлер салып бергендеріңізге аналық шексіз алғысымды білдіремін", - деп Ақкемер ауылының тұрғыны Жұмагүл Нұрғалиева қуанышымен бөлісті.Жалпы, ауданда су тасқынынан кейінгі қалпына келтіру жұмыстары қарқынды. 172 тұрғын үйдің құрылысынан бөлек, инфрақұрылым мәселесі де қатар жүргізілуде. Жолдарды тиісті қалпына келтіру, бөгеттерді нығайту және Ойыл ауылына кіреберістегі көпірді қайта құру жұмыстары жалғасып жатыр.
ақтөбе облысы
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
ақтөбе облысы, су тасқыны, баспана
ақтөбе облысы, су тасқыны, баспана
АСТАНА, 13 қыркүйек – Sputnik. Мемлекет басшысының тапсырмасына сәйкес Ақтөбе облысының Ойыл ауданында көктемгі су тасқынында баспанасынан айырылған тұрғындарға жаңа үйлердің кілттерін табыстау жалғасуда.
Бұған дейін көктемгі су тасқынында зардап шеккен аудан орталығы Ойыл, Кемер, Бестамақ және Қаратал ауылдарында 143 үй пайдалануға берілген еді. 13 баспананың құрылысы аяқталуға жақын.
Ал бүгін Ақкемер ауылының 16 тұрғыны қоныстойын тойлады. 80 шаршы метрді құрайтын 3 бөлмелі баспаналар Eurasian Resources Group (ERG) құрылтайшы-акционерлері бөлген қаражатқа салынды. Бір үйдің құны - 28,5 млн. теңге. Құрылыс жұмыстарын "Hause Master Aktobe" мердігер компаниясы жүргізді.
Салтанатты шараға Ойыл ауданының әкімі Асқар Қазыбаев, ERG компаниясының өкілі, Ақтөбе ферроқорытпа зауытының директоры Ержан Абдулабеков, мердігер мекеме басшылары қатысып, баспана иелерін жаңа қоныстарымен құттықтады. Сонымен қатар,"Sulpak" электроника сауда желісінің атынан тұрғын үй иелеріне тұрмыстық техника сертификаттары табысталды.
"ERG компаниясы су тасқынынан зардап шеккен аймақтарға біраз қаражат бөлді. Қиын-қыстау заманда қол қусырып қарап отырмай, біз де үлесімізді қосайық деп шештік. Міне, бүгінде сіздердің жаңа баспананың иегері атанғандарыңызды көріп, тиісті жұмыстың нәтижесі деп бағамдап отырмыз. Ендігіде шаңырақтарыңыз әрдайым шаттыққа толы болсын", - деді ERG компаниясының өкілі Ержан Абдулабеков.
Ойыл ауданы бойынша көктемгі су тасқыны кезінде 328 үй зардап шегіп, 21 үй қайта жөндеуден өтсе, тұрғындардың таңдауы бойынша екінші нарықтан 135 үй сатып алынған.
"Ауыл азаматтарына бүгінгі қуанышты күніміз ұзағынан болсын дегім келеді. Осыдан бірнеше ай бұрын ауылымызды су алып, қиналғанымыз есімізде. Мемлекет басшысы халыққа арнайы қолдау білдіріп, бізге өз жәрдемдеріңізді көрсетіп, қала типті үйлер салып бергендеріңізге аналық шексіз алғысымды білдіремін", - деп Ақкемер ауылының тұрғыны Жұмагүл Нұрғалиева қуанышымен бөлісті.
Жалпы, ауданда су тасқынынан кейінгі қалпына келтіру жұмыстары қарқынды. 172 тұрғын үйдің құрылысынан бөлек, инфрақұрылым мәселесі де қатар жүргізілуде. Жолдарды тиісті қалпына келтіру, бөгеттерді нығайту және Ойыл ауылына кіреберістегі көпірді қайта құру жұмыстары жалғасып жатыр.
