https://sputnik.kz/20240821/zhetisu-oblysynda-34-myn-khalyqqa-arnalgan-aurukhana-zhataqkhananyn-zhartysyn-panalap-otyr-46492006.html

Жетісу облысында 34 мың халыққа арналған аурухана жатақхананың жартысын паналап отыр

Жетісу облысында 34 мың халыққа арналған аурухана жатақхананың жартысын паналап отыр

Sputnik Қазақстан

Ақсу ауданындағы аудандық аурухананың бұрынғы ғимараты әбден тозған, өйткені 1973 жылы іргетасы қаланған 21.08.2024, Sputnik Қазақстан

2024-08-21T18:11+0500

2024-08-21T18:11+0500

2024-08-21T18:17+0500

жетісу облысы

https://sputnik.kz/img/07e8/08/15/46489908_0:0:1280:720_1920x0_80_0_0_a73d8041d3c0b9b107b7544c107d9a67.jpg

АЛМАТЫ, 21 тамыз – Sputnik. Жетісу облысы Ақсу ауданының орталық ауруханасындағы күрделі жөндеу жұмыстары бітпей тұр. Салдарынан ауданның 34 мың халқы студенттерге арналған жатақхана ғимаратының жартысында жатып ем алып жүр, деп хабарлайды Sputnik Қазақстан тілшісі.Ақсу ауданының орталығы – Жансүгіров ауылы. Аудандық аурухана да осында орналасқан. Қазіргі күні 34 мың халыққа арналған аудандық аурухана екіге бөлініп кеткен. Емхана бір қабатты ескі ғимаратты паналаса, стационар арнайы кәсіптік-техникалық білім беретін училище жатақханасының жартысына кірген. Өйткені аудандық ауруханада елу жыл дегенде әрең жеткен күрделі жұмыстар бітетін түрі жоқ."Ауданда 34 мың халыққа қызмет көрсетеміз. Күрделі жөндеу жұмыстары 2023 жылдың қыркүйегінде басталу керек болған, бірақ бас жоспар өзгертіліп желтоқсан айында, екі айдан кейін басталды. Негізі бас жоспар бойынша күрделі жөндеу жасалған аудандық аурухана ғимараты биыл қыркүйекте берілуге тиіс", - дейді Ақсу аудандық ауруханасының бас дәрігері Байқадам Құрымбай.Қыркүйекке жарты ай қалды, бірақ құрылыстың жартысы да бітпеген."Құрылыс жұмыстарын жүргізіп жатқан "Ракада" жауапкершілігі шектеулі серіктестігі қосалқы мердігер екен. Тапсырыс беруші – облыстық әкімдіктің құрылыс бөлімі. Біз тапсырыс беруші болмағандықтан қанша қаражат бөлінгенін, құрылыс қашан бітетінін білмейміз", - дейді аурухана басшылығы.Ақсу ауданындағы аудандық аурухананың бұрынғы ғимараты әбден тозған, өйткені 1973 жылы іргетасы қаланған. Содан бері күрделі жөндеу көрмеген, дейді дәрігерлер.Оқу жылы бітпей жатып жатақхананың жартысына көшіп кірген"Әрең деп күрделі жөндеуге қолымыз жеткенде жағдайымыз осындай болып тұр. Салдарынан екіге бөлініп, екі ғимаратта қызмет көрсетуге мәжбүрміз. Біз былтыр көшкен кезде облыстық білім беру басқармасынан студенттер жатақханасының жарты ғимаратына кіру туралы рұқсат алдық. Былтыр оқу жылы аяқталмай тұрып, жатақхананың жартысына кірдік", - дейді Байқадам Құрымбай.Көңіл сыйса, бәрі сыядыВедомство мамандарының айтуынша, студенттер жатақханаға кіру үшін бөлек жол, ауруханаға келетіндер үшін бөлек жол жасалған. Әр мекеменің өз қоршауы бар. Жарты ғимаратта 34 мың халыққа қызмет көрсетіп жүрген дәрігерлер "көңіл сыйса, бәрі сыяды" дейді."Жатақханаға сыймай қалып жатқан жоқпыз. Бәрі жақсы. Облыстық денсаулық сақтау басқармасының басшысы облыстағы барлық ауруханаға: "егер Ақсу ауданында науқастар сыймай, жағдай ауыр болып жатса, басқа ауруханаларға кедергісіз қабылдасын деп тапсырма берген болатын. Қазір бізде ауыр науқас болса, дереу облыстық ауруханаға өз көлігімізбен жеткіземіз. Негізі басты арман-тілегіміз – аурухана құрылысы тезірек аяқталса дейміз", - дейді аудандық аурухананың дәрігерлері.Жатақханадағы жарты ауруханадан талай ақсулық әйел ана атанып, талай науқас дертіне шипа тауып жүр. Ал ақ халаттылар болса, науқасты қандай жағдай болса да емдейміз дейді.

жетісу облысы

2024

Жаңалықтар

kk_KK

жетісу облысы